U Hrodnie «padčas akazańnia ŭzbrojenaha supracivu» śpiecpadraździaleńniu KDB zabity zamiežny hramadzianin — BiełTA
U Hrodnie supracoŭniki KDB zabili zamiežnaha hramadzianina — nibyta jon akazaŭ supraciŭ, paviedamlaje BiełTA.
«Padčas praviadzieńnia śpiecyjalnych mierapryjemstvaŭ pa spynieńni dziejnaści asob, jakija pranikli na terytoryju Respubliki Biełaruś z metaj ździajśnieńnia terarystyčnaj akcyi, 19 sakavika 2023 hoda ŭ Hrodnie na vuł. Kurčatava likvidavany zamiežny hramadzianin Ł. Hetaja asoba z vykarystańniem aŭtamatyčnaj zbroi i šlacham padryvu bajavych hranat akazała ŭzbrojeny supraciŭ bajcam śpiecpadraździaleńnia KDB, hrupa «A», — pryvodzić BiełTA słovy KDB.
Pavodle hetaha faktu śledčym upraŭleńniem KDB raspačata kryminalnaja sprava.
Raniej telehram-kanały paviedamlali pra huki stralby.
«U Hrodnie na vulicy Kurčatava i Urubleŭskaha niejki čas tamu byli vybuchi ci streły. Ciapier la padjezda doma milicyjaniery, jakija zahruzili ŭ mašynu čałavieka», — tak apisaŭ situacyju padpisčyk «MKB», jaki dasłaŭ videa niekalki hadzin tamu.
Kanał @Grodno_grab paźniej udakładniŭ, što pa adrasie Kurčatava, 5 z «vybuchami i strełami» adbyvajucca zatrymańni. Zaŭvažanyja kala 10 supracoŭnikaŭ milicyi i busik.
Ciapier BiełTA paviedamiła pra zabojstva zamiežnaha hramadzianina supracoŭnikami KDB. Pavodle ahienctva, toj akazaŭ supraciŭ.
