Źjaviŭsia trejler rasijskaha sieryjała pra Uładzimira Mulavina
Trejler sieryjała «Za paŭhadziny da viasny» apublikavali na anłajn-płatformie START, piša «Kamsamolskaja praŭda».
Film pryśviečany bijahrafii Uładzimira Mulavina i jaho hurtu «Pieśniary». Siužet achoplivaje try dziesiacihodździ — pačynajučy ź pieršych krokaŭ Uładzimira Mulavina ŭ muzycy ŭ 50-ja hady i da stvareńnia adnoj ź pieršych savieckich rok-opier.
Małady Mulavin u vykanańni Hleba Kalužnaha
Uładzimira Mulavina ŭ sieryjale ihrajuć dva rasijskija akciory: maładoha — Hleb Kalužny, a ŭ darosłym uzroście — Arciom Vałabujeŭ, jaki akazaŭsia vielmi padobny na svajho hieroja.
Stały Mulavin u vykanańni Arcioma Vałabujeva
Praŭnučka Mulavina Lida syhrała svaju ŭłasnuju babulu ŭ dziacinstvie, to-bok dačku Mulavina Marynu.
Prajekt choć i rasijski, ale ŭ jaho stvareńni brali ŭdzieł i biełarusy: scenaryst karciny Rusłan Starykoŭski, adzin z režysioraŭ, udzielnik kamandy KVZ BDU Kirył Papakul, a taksama pradziusar sieryjała Alaksiej Traciuk, taksama vychadziec z kamandy KVZ BDU.
Čytajcie taksama:
Stary chit «Pieśniaroŭ» uvajšoŭ u saŭndtrek da kampjutarnaj hulni
čornaja dyra?