KNDR zajaviła pra vyprabavańni padvodnaha bieśpiłotnika, zdolnaha nieści jadziernuju zbroju
Paŭnočnaja Kareja praviała vyprabavańni novaha padvodnaha ŭdarnaha bieśpiłotnika, zdolnaha nieści jadziernuju zbroju. Pra heta paviedamiła paŭnočnakarejskaje ahienctva KCNA.
Pavodle infarmacyi Pchieńjana, hety bieśpiłotnik moža być razhornuty na lubym uźbiarežžy i ŭ lubym porcie abo buksiravacca nadvodnym karablom dla pracy.
Paviedamlajecca, što padčas vyprabavańnia novy paŭnočnakarejski bieśpiłotnik znachodziŭsia pad vadoj na hłybini ad 80 da 150 mietraŭ bolš za 59 hadzin i padarvaŭ niajadzierny zarad u vodach la ŭschodniaha ŭźbiarežža.
«Misija padvodnaj jadziernaj stratehičnaj zbroi zaklučajecca ŭ tym, kab nieprykmietna praniknuć u apieratyŭnyja vody i stvaryć zvyšmaštabnaje radyjeaktyŭnaje cunami z dapamohaj padvodnaha vybuchu, kab źniščyć marskija ŭdarnyja hrupy i hałoŭnyja apieratyŭnyja party praciŭnika», — havorycca ŭ zajavie.
Na vyprabavańniach prysutničaŭ lidar KNDR Kim Čen Yn, hetym razam biez dački, jakaja supravadžała jaho na papiarednich vyprabavańniach.
