Za kraty pasadzili pavietranyja šaryki, karmili «błakadnym» chlebam. Jak vyhladała 9 Maja ŭ Mahilovie
Na Dzień Pieramohi ŭ Mahilovie było šmat dziaciej u military, a niekatoryja z draŭlanaj zbrojaj.
Adzin z charakternych siužetaŭ Mahilova na 9 Maja: dzicia ŭ vajskovaj formie z draŭlanym aŭtamatam. Fota: sacyjalnyja sietki
Kab uračystaść vyhladała masavaj, dziaržaŭnyja pradpryjemstvy i ŭstanovy abaviazali vypravić na jaje rabotnikaŭ. Naprykład, dziciačyja sadki mielisia rekrutavać na parad da 10 čałaviek sa svajho kalektyvu. Z saboj jany pavinny byli prynieści «atrybutyku pieramohi». Ahitacyjnaja praca pravodziłasia z baćkami hadavancaŭ.
«Žyvuju ścianu» ŭzdoŭž prajeznaj častki vulicy Pieršamajskaj, dzie prachodziŭ parad, stvarali školniki. Ich pryvodzili cełymi kłasami.
«Śviatočny» Mahiloŭ na 9 Maja. Horad apranuli ŭ military. Fota: sacyjalnyja sietki
Na vulicach stylu military było bolš čym kali. Vajskovuju formu, padobnuju na tuju, što nasili savieckija sałdaty ŭ Druhuju suśvietnuju vajnu, adziavali nie tolki darosłyja, ale i dzieci. U niekatorych była draŭlanaja zbroja.
«Błakadnuju porcyju» chleba mahiloŭcy nie duža ŭpadabali. Fota: sacyjalnyja sietki
Udzielnikaŭ častavali «błakadnaj porcyjaj» chleba i piarłovaj kašaj.
Piarłoŭka była bolš papularnaj. Da jaje ciahnulisia darosłyja. Fota: sacyjalnyja sietki
Adnym z ekspanataŭ stali kletki. U «źniavoleńni» apynulisia čyrvonyja i zialonyja pavietranyja šaryki.
«Aryštavanyja» pavietranyja šaryki na 9 Maja ŭ Mahilovie. Fota: sacyjalnyja sietki
Na vulicach handlary pradavali piłotki i inšuju vajskovuju ekipiroŭku, a miescy praviadzieńnia imprezaŭ patrulavała milicyja.
«Naša Niva» — bastyjon biełaruščyny
PADTRYMAĆHladzicie taksama:
Dzień Pieramohi z dnia «nikoli bolš» pieratvaryŭsia ŭ kašmarnaje «možam paŭtaryć» — Cichanoŭskaja
Rasijskija hastralory inscenirujuć antyŭkrainskija mitynhi ŭ Jeŭropie — Le Monde