Što zdaryłasia sa špicam Łukašenki?
Litaralna za hod sabaka rastaŭścieŭ, azyz i źmianiŭsia ŭ vyhladzie. Vieterynar tłumačyć, što adbyvajecca sa špicam Łukašenki.
Alaksandr Łukašenka i Umka na chakiei ŭ Hrodnie 24 krasavika 2023 hoda. Fota: BiełTA
Pieršy raz Łukašenka źjaviŭsia na publicy sa špicam Umkam na subotniku ŭ 2020 hodzie, kali imidžmiejkiery adčajna šukali niešta, što prymusić narod abmiarkoŭvać Łukašenku, a nie jahonych apanientaŭ na vybarach.
Špic padčas svajho pieršaha źjaŭleńnia. 2020 hod. Fota: pres-słužba Łukašenki
Z taho času špic rehularna źjaŭlajecca z palitykam na publicy.
Fota: pres-słužba Łukašenki
U svoj čas mnohich šakavali kadry z intervju Łukašenki rasijskaj žurnalistcy Naili Askier-zade, dzie sabaka hulaŭ pa stale, ź jakoha jaduć ludzi.
Skryn intervju
Ale mnohija źviartajuć uvahu, što sa špicam niešta adbyvajecca.
Pahladzicie, jak Umka — pradstaŭnik karlikavaj parody sabak — staŭ vyhladać praz try hady ad svajho pieršaha źjaŭleńnia na publicy.
Špic na chakiei ŭ Minsku 3 maja 2023 hoda. Fota: telehram-kanał «Puł pieršaha»
«Naša Niva» spytała vieterynara, jaki śpiecyjalizujecca na lačeńni svojskich žyvioł, jakija vysnovy jon by zrabiŭ sa śviežych fota z sabakam.
Fota: pres-słužba Łukašenki
«Abo heta inšy sabaka, abo toj samy, ale z atłuścieńniem, — skazaŭ nam vieterynar. — Atłuścieńnie možna kanstatavać užo čysta vizualna: u sabaki łokci raźjazdžajucca ŭ baki».
«Možna vykazać zdahadku, što sabaku kastryravali. A takaja apieracyja zapavolvaje ŭsie abmiennyja pracesy ŭ arhaniźmie, sutačnaja patreba ŭ kiłakałoryjach źmianšajecca. Heta zakony endakrynałohii.
Ci staŭ haspadar u takim razie ličyć kałoryi sabaki z daviednikam i vahami? Prykidvać, kolki jamu jašče možna dać siońnia?
Najchutčej, sabaku kormiać stolki, kolki toj prosić, a prasić jon moža da taho momantu, pakul jaho nie zvanituje — u sabak pačućcio nasyčeńnia pracuje nie tak, jak u ludziej.
Sabaki jaduć, pakul dajuć i pakul ułazić.
Žyvioł nielha pierakormlivać i karmić «sa stała», patrebny svoj, asobny racyjon i hrafik. Hledziačy na Umku, ja strohaści ŭ padychodzie da hrafika jaho karmleńnia nie baču», — skazaŭ śpiecyjalist.
Čym heta moža być niebiaśpiečna?
«Prablemy ź lišniaj vahoj i pierajadańnie pierahružajuć piačonku, vyklikajuć hiepatoz, cukrovy dyjabiet i inšyja endakrynnyja zachvorvańni. Pakutujuć serca i sustavy. Adnym słovam, źnižajecca jakaść i čakanaja praciahłaść žyćcia. U narmalnych haspadaroŭ špicy, jak i inšyja karliki, žyvuć u siarednim 10—14 hod, kali niama hienietyčnych zachvorvańniaŭ», — reziumavaŭ śpiecyjalist.
Špic u Samarkandzie ŭ listapadzie 2022-ha. Fota: pres-słužba Łukašenki
Pamieranskija špicy — dekaratyŭnaja paroda sabak. Daviedniki adznačajuć, što sabaki tonka adčuvajuć nastroj haspadara i robiać usio, kab jamu dahadzić.
Bieły pamieranski špic. Fota: Wikimedia Commons
Čytajcie taksama:
Samaha toŭstaha ŭ śviecie kata pasadzili na dyjetu
Dama z sabačkami. Hałoŭny architektar Minska razvodzić skotčterjeraŭ
Pad Vilejkaj žyvie koń Jaša. Jon umieje rabić pakłon i «daje łapu»
