Stała viadoma data suda nad Eduardam Babarykam
Sud nad synam Viktara Babaryki pačniecca 22 maja. Za kratami jon znachodzicca amal try hady — z 18 červienia 2020 hoda.
Kryminalnuju spravu budzie razhladać Minski abłasny sud na vyjaznym sudovym pasiadžeńni ŭ pamiaškańni suda Minskaha rajona, paviedamlaje BiełTA.
Eduarda Babaryku buduć sudzić za ŭchileńnie ad vypłaty padatkaŭ, lehalizacyju srodkaŭ, atrymanych złačynnym šlacham, dapamohu ŭ arhanizacyi masavych biesparadkaŭ i raspalvańni varažniečy.
Eduarda Babaryku zatrymali try hady tamu, 18 červienia 2020 hoda, razam z baćkam za dva miesiacy da vybaraŭ i paślavybarčych pratestaŭ. Jahonamu baćku prysudzili ŭ 2021 hodzie 14 hadoŭ kałonii.
Znachodziačysia ŭ navapołackaj kałonii, Viktar Babaryka niadaŭna trapiŭ u balnicu. Bolš infarmacyi ad jaho nie było.
Čytajcie taksama:
«Nastrojeny vyžyć». Źniavolenaja raskazała pra sustreču z synam Babaryki na Vaładarcy