U babrujskim šmatpaviarchoviku zaharełasia vanna
Ranicaj 10 maja na dziaviatym paviersie doma pa praśpiekcie Budaŭnikoŭ u Babrujsku adbyŭsia pažar. Jak vyśvietliłasia, u adnoj z kvater zaharełasia akryłavaja vanna.
Fota: MNS
«Rabotniki MNS, pryjechaŭšy na miesca, ubačyli mocnaje zadymleńnie na dziaviatym paviersie i padpalenuju akryłavuju vannu pamiž dziaviatym i techničnym paviercham doma», — raspaviali ŭ Mahiloŭskim abłasnym upraŭleńni MNS.
U adnoj z kvater rabotniki MNS znajšli 14-hadovuju dziaŭčynku, jakaja była doma adna. Z dapamohaj śpiecyjalnaj maski jaje vyvieli z zadymlenaha pamiaškańnia. Školnicu špitalizavali z atručeńniem praduktami hareńnia.
Fota: MNS
Jašče z adnoj kvatery taksama pry dapamozie śpiecyjalnych masak ratavalniki evakuiravali 38-hadovuju žančynu i jaje 11-hadovaha syna. Jany nie paciarpieli.
U vyniku byli zakuranyja ścieny ŭ padjeździe. Pryčyna pažaru vyśviatlajecca.
Čytajcie taksama:
U Hrodnie ratavalniki vyzvalili kocika ź mietaličnaj pastki VIDEA
Piensijanier navodziŭ paradak na leciščy. Zhareła haspadarčaja pabudova, i ledź nie zhareŭ sam
Dvoje dziaciej atrucilisia čadnym hazam u Hrodzienskim rajonie
