U Litvie pačynajucca vajskovyja vučeńni supolna z krainami NATA
Na praciahu dvuch tydniaŭ na terytoryi Litoŭskaj Respubliki buduć prachodzić mižnarodnyja vajskovyja vučeńni «Žalezny voŭk 2023 — 1», udzieł u jakich biare 11 krain NATA, paviedamiła litoŭskaje Ministerstva abarony.
Zdymak ilustracyjny. Fota: facebook.com/kariuomene
U vučeńniach udzielničajuć kala 3500 sałdat i 600 adzinak vajskovaj techniki ź Litvy, Bielhii, Čechii, Vialikabrytanii, Złučanych Štataŭ Amieryki, Kanady, Charvatyi, Polščy, Luksiemburha, Niderłandaŭ, Narviehii, Partuhalii i Hiermanii.
Štohod vučeńni arhanizuje piachotnaja bryhada litoŭskaha vojska «Il Volf». Ich meta — acanić bojehatoŭnaść padraździaleńniaŭ hetaj bryhady i sinchranizavać standartnyja apieratyŭnyja pracedury.
«Ciaham vučeńniaŭ bajavaja hrupa pieradavych sił NATA, dysłakavanaja ŭ Litvie, i piachotny bataljon litoŭskaha vojska «Vajdotas» buduć vučycca pravilnamu viadzieńniu nastupalnych i abarončych apieracyj mietadam «siła suprać siły», — adznačyli ŭ Ministerstvie abarony Litvy.
Čytajcie taksama:
Rasija denansuje Damovu ab zvyčajnych uzbrojenych siłach u Jeŭropie
