Biełarusa asudzili za toje, što śpiavaŭ himn Ukrainy ŭ karaokie
U pačatku krasavika ŭ Breście asudzili mužčynu pavodle art. 24.23 KaAP, abvinavaciŭšy ŭ tym, što jon, znachodziačysia ŭ miascovym karaokie-bary, praśpiavaŭ himn Ukrainy, «čym publična vykazvaŭ svaje hramadska-palityčnyja intaresy». Pra hety vypadak piša «Viasna».
Fota ilustracyjnaje
Viny svajoj čałaviek nie pryznaŭ i patłumačyŭ, što dziejničaŭ nasupierak mužčynu, jaki prasiŭ nie śpiavać ukrainskich piesień.
Viadoma, što niezadavoleny mužčyna — hramadzianin Rasii. Pavodle jaho śviedčańniaŭ, bieraściejec prasiŭ jaho źjechać ź Biełarusi i śpiavaŭ bieź mikrafona himn Ukrainy, niahledziačy na šmatlikija prośby hetaha nie rabić.
U vyniku bieraściejca pryznali vinavatym u «pikietavańni» i pryznačyli jamu 7 sutak aryštu.
Čytajcie taksama:
Fihurantaŭ «spravy prafsajuzaŭ» pieraviali ŭ kałonii
Na «prafiłaktyčnyja hutarki» ciapier vyklikajuć i ŭ rajvykankamy
Palitviaźnia Mikałaja Klimoviča pachavajuć 12 maja na pinskich mohiłkach
