Na biełaruskich pradpryjemstvach rastuć składskija zapasy
Za hod składskija zapasy ŭ biełaruskaj ekanomicy vyraśli na 24%, a ŭ Minsku — na 44%.
Minski traktarny zavod. Fota ilustracyjnaje
Pa stanie na 1 maja zapasy hatovaj pradukcyi na składach pramysłovych pradpryjemstvaŭ skłali 9,176 młrd rubloŭ u ekvivalencie. Za 12 miesiacaŭ jany pavialičylisia na 24%, što značna vyšej rostu cen.
U paraŭnańni ź siaredniamiesiačnym abjomam vytvorčaści składskija zapasy na 1 maja 2023 hoda skłali 76,9%. Hodam raniej adnosny ŭzrovień zapasaŭ hatovaj pradukcyi byŭ nižejšy — 66,8%. Z 2016 hoda hety pakazčyk u mai byŭ vyšejšy tolki adzin raz — u 2020 hodzie (79,1%), zaŭvažyli Vanki24.by.
Bolš za ŭsich składy zapoŭnili pradpryjemstvy Bresckaj vobłaści — 113,3% siaredniamiesiačnaha abjomu vytvorčaści (pry 72,5% u papiarednim hodzie). U hrašovym ekvivalencie zapasy dasiahnuli 1,491 młrd rubloŭ, što na 76,7% bolš, čym było hod tamu.
U lidarach taksama akazaŭsia Minsk — 106,8% ad vypusku ŭ miesiac (86,3% było ŭ krasaviku minułaha hoda). U hrašovym vyražeńni na staličnych składach sabrałasia tavaraŭ na 1,961 młrd rubloŭ, što na 44% bolš za letašniuju sumu.
U cełym pamier zapasaŭ u hrašovym vyražeńni za hod vyras va ŭsich abłaściach, akramia Viciebskaj.
Čytajcie taksama:
Aŭstryjski «Rajfajzen» spyniaje supracoŭnictva ź biełaruskimi bankami sa žniŭnia — krynicy
Bolš za 50 tysiač čałaviek pierajšli na vypłatu padatku na prafiesijny dachod
Saŭmin zasakreciŭ pieralik značnych dla dziaržavy jurydyčnych asob
