Jak kupić u Biełarusi leki anłajn — tłumačyć Minzdaroŭja
Ministerstva achovy zdaroŭja apublikavała tłumačeńnie da svajoj pastanovy ad 3 maja 2023 h. № 69 «Ab realizacyi lekavych preparataŭ dystancyjnym sposabam», u jakim raspaviała niuansy handlu lekami anłajn.
Fota: «Naša Niva»
Jak zaraz anłajn kupić leki, raźbirałasia tochka.by.
U pryvatnaści, novaŭviadzieńnie nakiravana na toje, kab palepšyć sistemu handlu miedpreparatami i zrabić kuplu bolš prostaj i dastupnaj. Dla hetaha i było vyrašana arhanizavać u Biełarusi realizacyju lekaŭ praź internet.
U chutkaj budučyni kožny biełarus zmoža kupić nieabchodnyja miedykamienty ŭ aptecy, nie vychodziačy z domu, adnak jość peŭnyja niuansy.
Chto zmoža handlavać tabletkami anłajn?
U viedamstvie adznačyli, što realizacyjaj miedycynskich preparataŭ na dystancyjnaj asnovie buduć zajmacca jurydyčnyja asoby, jakija majuć adpaviednuju licenziju i dazvoł na handal lekami anłajn.
Akramia taho, kampanii, jakija zajmajucca prodažam miedpreparataŭ, pavinny buduć stvaryć svoj ułasny sajt i ŭžo z dapamohaj jaho vieści svaju dziejnaść. U Ministerstvie achovy zdaroŭja asobna adznačyli, što prodaž praz sajty-ahrehatary nie praduhledžvajecca.
Pa recepturnyja leki ŭsio roŭna iści ŭ apteku
Hramadzianie zmohuć kupić bolšaść lekaŭ anłajn, adnak u lubym pravile byvajuć vyklučeńni.
Tak, u viedamstvie padkreślili, što pradavać praź internet možna budzie tolki biezrecepturnyja leki.
Z receptam usio roŭna pryjdziecca iści ŭ apteku, a taksama anłajn nie zamoviš lekavyja preparaty, jakija ŭ svaim sastavie majuć abjom doli etyłavaha śpirtu zvyš 25%.
Jak budzie ažyćciaŭlacca prodaž i dastaŭka?
Ministerstva achovy zdaroŭja akcentuje ŭvahu na tym, što realizacyja lekaŭ budzie pravodzicca praź internet-apteku.
Na sajcie možna budzie nie tolki zamović usio nieabchodnaje, ale taksama atrymać farmaceŭtyčnuju kansultacyju i sabrać košyk.
Dalej kampanii zmohuć ažyćciaŭlać dastaŭku jak ułasnymi siłami praz słužbu dastaŭki, tak i z pryciahnieńniem arhanizacyi, jakaja akazvaje kurjerskija pasłuhi.
Ašukancy nie dremluć, ale ŭsio praduhledžana
Udakładnieńnie da pastanovy taksama prapisvaje paradak vyjaŭleńnia ašukancaŭ, jakija chočuć nažycca na fišynhavych (padroblenych) sajtach internet-aptek.
Sačyć za handlem lekami ŭ Biełarusi anłajn budzie dziaržaŭny farmaceŭtyčny nahlad u śfiery abaračeńnia lekavych srodkaŭ «Dziaržfarmnahlad».
Hetaja struktura budzie stvarać pieralik jurydyčnych asob, jakija ažyćciaŭlajuć roźničnuju realizacyju lekavych preparataŭ dystancyjnym sposabam, i vyjaŭlać padrobki. Akramia taho, supracoŭniki hetaj dziaržaŭnaj słužby abaviazany vyjaŭlać kantrafaktnyja leki i nie dapuskać raspaŭsiudžvańnia falsifikavanych miedpreparataŭ.
Poŭny śpis internet-aptek i kurjerskich słužbaŭ, jakija zajmajucca dastaŭkaj lekaŭ, budzie raźmieščany na sajcie «Dziaržfarmnahlada», a kožny biełarus zmoža aznajomicca z hetaj infarmacyjaj, kab pierakanacca ŭ sapraŭdnaści jurydyčnaj asoby, u jakoj zakazvaje leki.
Čytajcie taksama:
Pandemija skončyłasia, ale nastupstvy zastalisia. Što COVID-19 prynios Biełarusi?
Novyja leki ad mihreni mohuć dapamahčy navat u samych składanych vypadkach
