Raptoŭna pamior namieśnik ministra navuki i vyšejšaj adukacyi RF i muž Dyjany Hurckaja
Namieśnik ministra navuki i vyšejšaj adukacyi Piotr Kučarenka pamior 20 maja, viartajučysia z Kuby razam z rasijskaj delehacyjaj.
Piotr Kučarenka i viadomaja rasijskaja śpiavačka Dyjana Hurckaja pažanilisia ŭ 2005 hodzie
«Piatru Kučarenku stała drenna ŭ samalocie, na jakim rasijskaja delehacyja viartałasia z rabočaj kamandziroŭki na Kubu.
Bort pryziamliŭsia ŭ horadzie Minieralnyja Vody, dzie daktary sprabavali akazać dapamohu, ale vyratavać Piatra Alaksandraviča nie ŭdałosia», — havorycca ŭ paviedamleńni ministerstva.
Kučarenka i viadomaja rasijskaja śpiavačka hruzinskaha pachodžańnia Dyjana Hurckaja (proźvišča nie skłaniajecca) pažanilisia ŭ 2005 hodzie. Razam jany stvaryli Fond dapamohi nieviduščym dzieciam «Na zaklik serca». U 2007 hodzie ŭ siamji naradziŭsia syn.
Piatru Kučarenku było 46 hadoŭ.
