Pratasievič daŭ pakazańni na Safiju Sapiehu — «Baza»
Pamiłavany Raman Pratasievič daŭ pakazańni na svaju byłuju dziaŭčynu Safiju Sapiehu. U asnoŭnym na jaho pakazańniach i budavałasia abvinavačańnie. Zaraz sprava ab jaje ekstradycyi moža być nakiravanaja ŭ sud Uładzivastoka — mienavita tam apošniaje miesca jaje rehistracyi, piša BAZA.
Pavodle źviestak «Bazy», Raman paviedamiŭ śledčym, što za svaju pracu pa deanonie siłavikoŭ Sapieha atrymała piać tysiač dalaraŭ. Pa słovach Pratasieviča, dziaŭčyna, kali była ŭ Vilni, prabivała biełaruskich siłavikoŭ praz servis «Voka Boha» i publikavała ich danyja ŭ telehramie, śćviardžaje hety telehram-kanał.
Čytajcie taksama:
Rudzik: Situacyja z Pratasievičam moža być našmat bolš strašnaj, čym my sabie ŭjaŭlajem
Safiju zatrymali razam z Ramanam Pratasievičam u Minsku 23 maja 2021 hoda paśla prymusovaj pasadki rejsa Afiny — Vilnia.
6 maja 2022 hoda jaje asudzili na 6 hadoŭ kałonii. Zaraz vyrašajecca pytańnie ab jaje ekstradycyi ŭ Rasiju.
