U Navahrudku adkryli dla naviedvalnikaŭ staražytnuju kryptu FOTA 4

Krypta pad kaściołam Śviatoha Michaiła Archanioła. Fota: fejsbuk-staronka śviatara Juryja

Uračystaje adkryćcio krypty Śviatoha Daminika i biskupa Vita pad kaściołam Śviatoha Michaiła Archanioła adbyłosia ŭ subotu 27 krasavika. Ciapier kožny naviedvalnik Navahrudka moža pabyvać u hetym staražytnym miescy i takim čynam dakranucca da bahataj historyi kraju.

Krypta pad kaściołam Śviatoha Michaiła Archanioła. Fota: fejsbuk-staronka śviatara Juryja

Krypta pad kaściołam Śviatoha Michaiła Archanioła. Fota: fejsbuk-staronka śviatara Juryja

Kryptaj u chryścijanstvie nazyvajecca padziemnaja častka chrama, raźmieščanaja zvyčajna pad ałtarom, jakaja słužyła dla hanarovych pachavańniaŭ. 

Navahrudskaja krypta znachodzicca ŭ najstarejšaj častcy kaścioła, dzie jość pachavańni ajcoŭ daminikancaŭ i siamji fundataraŭ kaścioła z rodu Chadkievičaŭ.

Pracy pa padrychtoŭcy krypty kaścioła, jaje ačyščeńni i pryviadzieńni da ładu doŭžylisia try hady. 

Uračystaje adkryćcio krypty. Fota: fejsbuk-staronka śviatara Juryja

Adkryćcio krypty dla naviedvalnikaŭ było prymierkavana da jubileju 400-hodździa kaścioła Śviatoha Archanioła Michała, jaki adznačajecca sioleta. Uračystaść uznačaliŭ biskup-naminat Uładzimir Hulaj.

Pry ŭvachodzie ŭ kryptu. Fota: fejsbuk-staronka śviatara Juryja

U doŭhim pamiaškańni, pierakrytym cylindryčnym cahlanym sklapieńniem, majecca nievialikaja ekspazicyja, pryśviečanaja historyi horada i śviatyni. Pry ŭvachodzie naviedvalnikaŭ sustrakaje skulptura Chrysta ŭ rozdumie.

Pavieł Tatarnikaŭ sa svajoj pracaj. Fota: fejsbuk-staronka śviatara Juryja

Ekspazicyja krypty. Fota: fejsbuk-staronka śviatara Juryja

Uzdoŭž ścien vystaŭleny hrafičnyja tvory Paŭła Tatarnikava, jakija rekanstrujujuć aryhinalny vyhlad staražytnaha biełaruskaha horada z roznych rakursaŭ.

Kaštoŭnaje kaścielnaje načyńnie ŭ nišach krypty. Fota: fejsbuk-staronka śviatara Juryja

Niša z trunami Chadkievičaŭ. Fota: fejsbuk-staronka śviatara Juryja

U vialikich bakavych nišach, jaki raniej słužyli dla pachavańniaŭ, siońnia za škłom vystaŭlena kaštoŭnaje kaściolnaje načyńnie i abrazy. U adnoj ź nišaŭ — hierb Chadkievičaŭ «Kaścieša» i niekalki trunaŭ, u jakich sabranyja pareštki fundataraŭ.

U dalnim kancy, pierad ałtarom krypty, skulptura archanioła Michaiła, jaki zabivaje źmieja, tytulnaha śviatoha chrama i zastupnika Navahrudka. Letaś na kaścielnym padvorku taksama pastavili 7-mietrovuju kałonu sa skulpturaj śviatoha.

Čytajcie taksama:

U kafiedralnym kaściole ŭ Hrodnie adnavili ałtar

U Nacyjanalnym mastackim muziei adkryłasia vystaŭka šedeŭraŭ biełaruskaj skulptury FOTA

U Navahradku pastavili kałonu sa skulpturaj śviatoha zastupnika horada

Na biełaruskim Padlaššy ŭ Polščy vyjaŭleny ŭnikalny ikanastas

39

1

2

5

0

8

F. Raŭbič

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH