«I ŭ boj nie strašna iści». U Nachvardyi Ukrainy pakazali mabilny barbieršop dla vajskoŭcaŭ
Rabotniki industryi pryhažości arhanizavali sapraŭdny mabilny barbieršop dla vajskoŭcaŭ na zaparožskim kirunku.
«Barbieršop» składajecca ź impravizavanaha cyrulnickaha stolika i čamadana z usimi nieabchodnymi instrumientami, piša «Ukrainskaja praŭda».
Adzin z tych, chto skarystaŭsia takoj pasłuhaj, — bajec z pazyŭnym Hrom. Nachvardziejec raskazaŭ, što abraŭ karotkuju stryžku.
«Mahu skazać, što fryzura vielmi ŭpłyvaje na nastroj, adčuvaješ siabie ŭpeŭniena va ŭsim, tady i ŭ boj nie strašna iści», — adznačaje vajskoviec.
Bajec z pazyŭnym Historyk uzradavaŭsia, što narešcie budzie mieć lubimy paŭboks, a taksama padstryžanuju baradu.
«Ciapier na vajskoŭcaŭ usie hladziać, biaruć prykład, tamu važna vyhladać na ŭsie sto adsotkaŭ», — adznačaje chłopiec.
Barbiery zaŭvažyli, što bajcy na froncie časta pazbaŭlenyja elemientarnych rečaŭ.
«My rady, što ŭ nas adbyłosia takoje supracoŭnictva, i samaje hałoŭnaje, što heta akazałasia patrebnym dla vajskoŭcaŭ», — raspaviali jany.
Taksama jany dadali, što i nadalej buduć pravodzić takija dabračynnyja akcyi, i paabiacali, što abaviazkova pryjeduć da abaroncaŭ jašče.
Čytajcie taksama:
Ministr zamiežnych spraŭ Vialikabrytanii pryznaŭ prava Ukrainy rabić dyviersii na terytoryi Rasii
MUS Rasii abviaściła ŭ vyšuk hałoŭnakamandujučaha USU Valeryja Załužnaha
