«Havary miesca, dzie pabačymsia». Paplečniki Kadyrava najechali na Pryhožyna i prapanavali vyśvietlić adnosiny
Paplečniki kiraŭnika Čačni Ramzana Kadyrava ŭ čaćvier apublikavali ŭ sacyjalnych sietkach videazvaroty da zasnavalnika PVK «Vahnier» Jaŭhiena Pryhožyna, vykazaŭšy abureńnie z nahody jahonych niadaŭnich słoŭ pra čačenski bataljon «Achmat», jaki vajuje va Ukrainie, piša BBC.
Padstavaj staŭ kamientar Pryhožyna ab pieradysłakacyi čačenskich padraździaleńniaŭ. Jon skazaŭ, što jamu niezrazumieła, čym zajmajecca «Achmat» va Ukrainie.
Na heta žorstka adkazali deputat Dziarždumy Adam Delimchanaŭ, staršynia čačenskaha parłamienta Mahamied Daudaŭ i kamandzir śpiecnaza «Achmat» Apci Ałaŭdzinaŭ.
Daudaŭ i Delimchanaŭ zajavili, što pra vajskovyja zadačy čačenskaha bataljona Pryhožyn viedać i nie pavinien.
«Nie zabyvaj, Ženia, dziakujučy kamu ŭ ciabie pryvatnaja vajskovaja kampanija, samaloty, viertaloty i h. d., ty jašče zajaŭlaješ, što ŭ ciabie pieršaje vojska, va [Ukrainy] — druhoje vojska. Kali takimi tempami pojdzieš dalej, to ničoha dobraha z hetaha nie vyjdzie», — kaža Daudaŭ u videazvarocie.
Delimchanaŭ ža nahadaŭ Pryhožynu ab prablemach PVK «Vahnier», a jaho samoha nazvaŭ błohieram.
«Chopić tabie bałbatać, kryčać, harłapanić. Kažy miesca, dzie, što, kali ŭbačymsia. I jak kazaŭ Ramzan Achmatavič, my tvar u tvar luby z taboj pytańnie vyrašym. Chopić užo», — skazaŭ Delimchanaŭ.
Paplečniki Kadyrava prapanavali Pryhožynu pryznačyć «sustreču», kab abmierkavać jahonyja vykazvańni.
Pryhožyn, kamientujučy zajavy ludziej z atačeńnia kiraŭnika Čačni, skazaŭ, što nie bačyć ničoha zahannaha ŭ svaich vykazvańniach ab padraździaleńniach «Achmat».
Akramia taho, pasty z krytykaj dziejańniaŭ čačenskich bajcoŭ u čaćvier pačali publikavać telehram-kanały, źviazanyja z Pryhožynym.
«Bajcy zadajucca pytańniem, a jakija takija apieracyi naohuł praviali čačenskija padraździaleńni? Jany źbirali na kamiery dziasiatki tysiač sałdat, i dzie ŭsie jany?» — havorycca ŭ paście adnaho z telehram-kanałaŭ, jaki źviazvajuć z zasnavalnikam PVK «Vahnier».
Čytajcie taksama:
«Pačvary śmiardziučyja, vy što robicie?» Pryhožyn nakinuŭsia na Minabarony Rasii
«Vahnieraŭcy» paśla adychodu z Bachmuta pierahrupavalisia ŭ troch miescach
Pryhožyn zajaviŭ, što Rasija «abasrałasia», a «ŭkraincy adny z najmacniejšych u śviecie»
