U Novaj Kachoŭcy paśla razbureńnia płaciny HES źnikli bieź viestak 7 čałaviek
Na hety momant z Novaj Kachoŭki evakujavali 900 miascovych žycharoŭ.
Fota: pryznačanaja Rasijaj «administracyja» Novaj Kachoŭki
Nie mienš za siem čałaviek źnikli bieź viestak u Novaj Kachoŭcy Chiersonskaj vobłaści paśla razbureńnia płaciny Kachoŭskaj HES. Pra heta paviedamiŭ pryznačany Rasijaj «kiraŭnik administracyi» akupavanaha horada Uładzimir Lavonćjeŭ.
Lavonćjeŭ dadaŭ, što na hety momant z Novaj Kachoŭki evakujavali 900 miascovych žycharoŭ. Jon śćviardžaje, što ŭzrovień vady ŭ horadzie źniziŭsia na «paŭmietra ad pikavaha ŭzroŭniu», pra heta piša telekanał «Dožd́».
U toj ža čas nasieleny punkt Korsunka na levym bierazie Dniapra całkam pajšoŭ pad vadu, jak udakładniŭ Lavonćjeŭ.
Pa słovach kiraŭnika Chiersonskaj abłasnoj vajennaj administracyi Alaksandra Prakudzina, taksama 1852 damy byli zatoplenyja na pravym bierazie Dniapra. Jon adznačaje, što intensiŭnaść padtapleńnia rehijona pamianšajecca, ale vada jašče budzie prybyvać.
Čytajcie taksama:
ISW sprahnazavaŭ, jak padryŭ Kachoŭskaj HES paŭpłyvaje na ŭkrainski kontrnastup
Kiraŭnik «Ukrhidraenierha» apisaŭ dva scenary raźvićcia padziej na Kachoŭskaj HES
Što nieabchodna viedać pra Kachoŭskuju HES i da čaho moža pryvieści jaje padryŭ
