Znajści
Ałharytmičny łacinski varyjant
05.02.2024 / 10:135RusŁacBieł

«Ceny na kvatery tut nie nižejšyja, čym u Bierlinie ci Paryžy». Jak 120 hadoŭ tamu zdymali kvatery ŭ Miensku

Hodnych prapanoŭ prystojnych i adnosna niedarahich kvater u Minsku nie tak šmat, i ich treba jašče dobra pašukać, piša citydog.io. U svaju čarhu, minčanie i tyja, chto imkniecca imi stać, trubiać pra niedachop žylla ŭ dvuchmiljonnym horadzie, jaho vysokich cenach i niedastupnaści. Jak akazałasia, hetaj tradycyi ŭžo bolš za sotniu hadoŭ.

U materyjale vykarystoŭvalisia dadzienyja manahrafii «Minsk. Staronki žyćcia darevalucyjnaha horada» Zachara i Safii Šybiekaŭ.

Kryzis žylla

Sto hadoŭ tamu Minsk imkliva ros i ŭ kancy 19-ha stahodździa sutyknuŭsia ź vialikim popytam na žyllo. Źviazana heta było z šeraham pryčyn: i čyhunkaj, jakaja adkryłasia, i sa źjaŭleńniem fabryk ź vialikaj kolkaściu pracoŭnych miescaŭ, i masavym pryjezdam ludziej na zarobki i zakupy. Usio heta pryviało da taho, što ŭ Minsku pačaŭ rezka raści popyt na žyllo. Kali ŭ 1896 hodzie ŭ horadzie zdavałasia ŭ arendu 11, 6 tys. kvater, to da 1911 hoda hetaja ličba vyrasła ŭdvaja.

Vilenski vakzał

Jubilejnaja płošča

Rynak arendy nasiŭ siezonny charaktar: paśla letniaha zacišša vosieńniu ŭźlataŭ popyt i košty. Infarmacyju pra zdaču kvater domaŭładalniki raźmiaščali ŭ hazietach, časopisach, u abjavach na fasadach abo varotach budynkaŭ. Na listkach čyrvonaha koleru paviedamlali pra zdaču kvatery, na zialonych — pakoja.

Mahli padavać abjavy i ŭ haziety. Fota ilustracyjnaje

Nastupiła novaja minskaja realnaść arendy žylla. Z rostam popytu niemahčyma było dać rady. «Minskija miedyčnyja viestki» ŭ 1911-m pisali: «Patrebnaść u žylli ŭ Minsku <…> takaja ž vialikaja, jak i ŭ samych bujnych centrach. Košty na kvatery tut nie nižejšyja, čym u Bierlinie ci Paryžy».

Žyllo dla zabiaśpiečanych ludziej

Zapłacić 150 rubloŭ u miesiac za kvateru ŭ centry Minska mahli sabie dazvolić tolki vielmi zabiaśpiečanyja ludzi. Dla paraŭnańnia, nastaŭnik pačatkovych kłasaŭ zarablaŭ 25 rubloŭ u miesiac, vykładčyk himnazii — 60. Rabočy bujnoha pradpryjemstva atrymlivaŭ 70 rubloŭ, a pieravažnaja bolšaść rabaciah — 15-30 rubloŭ. Zarpłata haradavych była jašče nižejšaj: usiaho 13 rubloŭ.

Što ž adroźnivała kvatery za takija kazačnyja hrošy? Raźmiaščeńnie i vyhody: kvatery ŭ dachodnych damach pa svaich vyhodach praktyčna ničym nie adroźnivalisia ad sučasnych. Tak, u domie Janickaha (Savieckaja, 14) byli ŭsie dabroty cyvilizacyi, dastupnyja na toj čas: vadapravod, kanalizacyja, vannyja pakoi i prybiralni.

Pakoi ŭpryhožvali abkładzienyja mastackaj plitkaj kaminy, darahija dyvany, adpaviednaja mebla, staradaŭni hadzińnik na ścienach.

Arandavali žyllo tut tolki samyja bahatyja i vysokapastaŭlenyja ludzi Minska: vice-hubiernatar Miekonhaŭ-Kajutaŭ, viadomy nataryus Ščarbakoŭ, hienierał Istomin i hałoŭnaja biźniesvumien Minska Jadviha Kastravickaja, jakaja zajmała 8 pakojaŭ. A Mahdalena Radzivił, naprykład, arandavała ŭvieś pieršy pavierch doma Ambrapolskaha.

U chatach praściej — rovar i šviejnaja mašynka

Biezumoŭna, takija kazačnyja sumy na žyllo mahli dazvolić sabie daloka nie ŭsio. Praściejšyja dachodnyja damy byli bolš dastupnyja, ale ni pra jakuju vannuju havorka, naturalna, nie išła. Źmianialisia ŭ ich i elemienty pobytu.

Dachodnyja damy na skryžavańni vulic Savieckaj (pr-t Niezaležnaści) i Vaładarskaha, 1930-ja hh.

U kvatery siaredniezabiaśpiečanaha minčuka možna było ŭbačyć šviejnuju mašynku (čaściej za ŭsio kampanii «Zinhier»), parcalanavy i mietaličny posud, bliskučy samavar (bratoŭ Batašovych), hitary, hramafony, rovary i inšyja pradmiety drobnaburžuaznaha byta.

Zachavalisia takija damy ŭ roznych častkach Minska. U Trajeckim pradmieści ŭ dachodnym domie Vihdorčyka (vuł. Trajeckaja nabiarežnaja, 6) zdymaŭ kvateru Daminik Łucevič — baćka Janki Kupały. Pa pryjeździe ŭ Minsk jon pracavaŭ ramiźnikam.

Pa susiedstvie ŭ dachodnym domie Pinchusoviča (vuł. Staražoŭskaja, 5) u asnoŭnym raźmiaščalisia aficery rasijskaj impieratarskaj armii

Šmat dachodnych damoŭ było i ŭ jaŭrejskaj častcy, u tym liku pabudavany ŭ 1899 hodzie dachodny dom mieščanina Štubryna.

Dom Štubryna, vuł. Vyzvaleńnia, 11

«Heta nie žyłyja pamiaškańni, a niejkija zmročnyja chlavy i sklapy, poŭnyja vołkaści i ŭsialakaj zarazy»

Mnohija dachodnyja damy pustavali, pakolki prostyja rabočyja nie mahli sabie ich dazvolić. Jany nie mahli zasialicca ŭ centry Minska, dzie za adzin maleńki pakojčyk u 1897-m treba było zapłacić kala 10 rubloŭ u miesiac (pavodle źviestak 1913 h., siaredni zarobak zaniatych u pramysłovaści pa ŭsioj Rasijskaj impieryi byŭ 24,2 rub.).

Pa źviestkach 1903 h., pracoŭnyja minskich uskrain marnavali na arendu žylla da 26%. Biezumoŭna, ličby pa fakcie byli bolšyja, bo tut nie ŭličvalisia vydatki na aciapleńnie i aśviatleńnie.

Tym bolš, što kvartpłata stała rasła. Tak, siaredniehadavy košt kvater u 1893 h. składaŭ 200 rubloŭ, a ŭ 1911-m — užo 500 rubloŭ. Košt piacipakajovak vyras z 400 da 700 rubloŭ. Ale asabliva chutka padnimaŭsia ceńnik na samyja chadavyja adnapakajoŭki i «dvuški». Košt na ich vyras u 2,5 razy. Pryčynaj stała pieranasielenaść horada, pavieličeńnie haradskich padatkaŭ i vialiki košt na ziamlu.

Natoŭp na Nižnim rynku

Kvatery padzialalisia na ciesnyja maleńkija pakojčyki. U hazietach pisali, što domaŭładalniki zdavali navat haspadarčyja pabudovy, dzie za ścianoj taŭščynioj u adnu cehłu, byvała, rochkali śvińni, znachodziłasia miesca dla droŭ ci prybiralnia. Damy byli pieranasieleny, asabliva ŭ handlovaj častcy Minska.

Ni pra jakija sanitarnyja normy razmova nie išła. Voś tak acaniŭ umovy žylla pracoŭnych horada adzin ź minskich lekaraŭ: «Mnie davodziłasia naviedvać hodnyja žalu kvatery, dzie nie tolki chvoramu na suchoty, ale i zdarovamu čałavieku i navat inšaj žyvoj istocie žyć nielha. Heta nie žyłyja pamiaškańni, a niejkija zmročnyja chlavy i sklapy, poŭnyja vołkaści i ŭsialakaj zarazy». Ale navat i taki kut byŭ dastupny nie kožnamu.

Rabočym davalisia internaty-baraki

Uładalniki fabryk i zavodaŭ pa mahčymaści imknulisia zabiaśpiečyć svaich pracaŭnikoŭ žyllom, bo amal usie jany byli pierasialencami ź viosak. Umovaŭ u ich praktyčna nie było, adnak vybirać nie davodziłasia.

Samyja ž biednyja zdymali łožak u načležnych damach, ci «načležkach», za 5 kapiejek noč. Była navat opcyja źniać pałovu łožka: heta značyć dzialić svajo i tak niazručnaje łoža ź nieznajomym čałaviekam.

Miarkujučy pa nadpisie «Piesień nie śpiavać! Pavodzić siabie cicha!», na fotazdymku — adzin z takich damoŭ

U «Pamiatnaj knižcy Minskaj hubierni i kalendary na 1898 hod» byli napisany abaviazkovyja praviły pavodzin u načležcy:

Asoby, jakija šukajuć načleh, prymajucca letam z 7 hadzin viečara, a zimoj z 6 i karystajucca načleham da 8 hadzin ranicy. Vyjści z načležki raniej za 6 hadzin ranicy možna tolki z dazvołu, atrymanaha napiaredadni ad nahladčyka.

Adzin i toj ža čałaviek dapuskajecca ŭ načležku nie bolš za 5 razoŭ u miesiac. Tamu kožny načujučy pavinien byŭ skazać nahladčyku svajo imia i ŭzrost. Uviečary ludzi atrymlivali ciopłuju ježu ci harbatu, ranicaj try šklanki harbaty i kavałak chleba. Kožnamu vydavałasia načnaja bializna, da hetaha čałaviek pavinien byŭ źniać svajo adzieńnie, vymyć nohi i ruki.

Prymalisia ŭ prytułak tolki ćviarozyja. Hučnyja razmovy, pieśni, kartačnyja hulni, kureńnie i raśpićcio stroha zabaranialisia.

Fota: Megapolis-real.by, Pastvu.com, Wikipedia.org, Problr.by, Realt.onliner.by, Travel.by, Minsknews.by, Vadim-i-z.livejournal.com, CityDog.io, Veloby.net, Pikabu.ru, Planetabelarus.by, Tvoya-stolica.livejournal.com.

Čytajcie taksama:

U damach — bambaschoviščy, na dachach — sireny. Jak žyviecca ŭ «partyzanskaj Asmałoŭcy» ŭ Minsku

«Pracavać z klijentami luksavaha siehmientu — heta vialikaja adkaznaść». Dyzajnierka — pra interjer, stvorany dla biznesvumien u Minsku

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
11
Панылы сорам
1
Ха-ха
0
Ого
1
Сумна
2
Абуральна
3
2
Maksim Dizajnier/adkazać/
05.02.2024
Nik

S jazyka śniali. 120 let v Chitrozačiesnnom łendie ničieho nie mieniajetsia. Pamiarkounyje do sich por dumajut, čto živut v Monako, s chimoznoj kiłbaskoj po 5 jevro, i vodiaroj po 3. Poetomu chaty dołžny stoiť, kak na Łazurnom bieriehu. Jeŝie let 8 nazad ja śnimał odnušku studiju v Minskie biez stiralnoj mašiny, tielevizora i spalnoho miesto za 400 dołłarov. Pravda eto był ylitnyj dom. No druhoho nie našłoś, kak i druhich priedłožienij.I eto daleko nie cientr. Dažie siejčas za eti dieńhi možno śniať kvartiru v Čiernohorii na pobieriežje, s vidom na morie iz bałkona, s novym riemontom, obstavlennuju po pośledniemu słovu tiechniki.
0
Hrihonis/adkazać/
05.02.2024
Maksim Dizajnier, tak vot łučšie b ty v Čiernohoriju by i ujechał.
0
Maksim Dizajnier/adkazać/
09.02.2024
Hrihonis

Tak ja i ujechał. No potom viernułsia.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera
sakavikkrasavikmaj
PNSRČCPTSBND
1234567
891011121314
15161718192021
22232425262728
2930