Vučonyja vyjavili novaha klučavoha hulca, jaki ŭpłyvaje na pryvykańnie da ałkaholu

Prablema ałkahalizmu zastajecca adnoj z hałoŭnych dla čałaviectva. Va ŭsim śviecie ŭ vyniku złoŭžyvańnia ałkaholem kožny hod pamiraje 3 miljony čałaviek, što składaje 5,3% usich vypadkaŭ śmierci.

Dyjahnaz «sindrom zaležnaści ad ałkaholu», pa infarmacyi RNPC psichičnaha zdaroŭja Biełarusi, na kaniec 2023 hoda pastaŭleny 145 tysiačam biełarusaŭ. Pa śmiarotnaści ad ałkaholu Biełaruś pa rejtynhu arhanizacyi World Life Expectancy znachodzicca na pieršym miescy, abahnaŭšy Manholiju i Rasiju.

Niahledziačy na svaju raspaŭsiudžanaść, heta chvaroba časta nie lečycca naležnym čynam. U ciapierašni čas dastupnyja tolki try adnosna efiektyŭnyja miedykamientoznyja mietady lačeńnia.

Dakazana, što chraničnaje ŭździejańnie ałkaholu vyklikaje hłybokuju niejraadaptacyju ŭ peŭnych zonach mozhu, uklučajučy klučavyja niejratranśmitary stresu, što ŭ kančatkovym vyniku vyklikaje źmieny ŭ arhaniźmie, jakija padtrymlivajuć praźmiernaje ŭžyvańnie ałkaholu.

Vyrašalnuju rolu ŭ reakcyi na stres, a taksama ŭ chraničnym patałahičnym užyvańni ałkaholu adyhryvaje zona mozhu, viadomaja jak «jadro łoža terminalnaj pałoski» (BNST).

Vučonyja z Bostanskaha ŭniviersiteta zdoleli vyjavić, što ŭ złoŭžyvańni ałkaholem udzielničaje polipieptyd-aktyvatar hipofizarnaj adeniłatcykłazy RASAR. Adnačasova jon akazvaje ŭździejańnie na BNST.

Vučonyja vykarystali ekśpierymientalnuju madel intensiŭnaha pieryjadyčnaha ŭžyvańnia ałkaholu. Jany zaŭvažyli, što ŭ pieryjady admaŭleńnia ad jaho ŭžyvańnia hetaja madel demanstravała pavyšany ŭzrovień RASAR u jadry łoža terminalnaj pałoski.

Padobnaje pavieličeńnie nazirałasia i adnosna inšaha pieptydu CGRP, źviazanaha z hienam kalcytaninu, jaki ciesna źviazany z RASAR. Da hetaha było viadoma, što abodva hetyja pieptydy ŭdzielničajuć u stresie, a taksama ŭ adčuvalnaści arhanizmu da bolu. A voś ich rola ŭ ałkaholnaj zaležnaści vyvučanaja mienš.

Vučonyja pasprabavali vykarystać virus dla błakavańnia niervovych šlachoŭ, jakija ŭtrymlivajuć RASAR, kab pieraškodzić jaho ŭździejańniu na BNST. U vyniku nazirałasia rezkaje źnižeńnie spažyvańnia ciažkoha etanołu.

Takim čynam vučonyja znajšli klučavoha hulca, jaki ŭskosna vyklikaje pryvykańnie da ałkaholu. Jany spadziajucca, što hetaje adkryćcio dapamoža ŭ raspracoŭcy novych farmakałahičnych mietadaŭ lačeńnia.

Čytajcie jašče:

Jak ałkahol upłyvaje na žyvot i čamu ad ałkaholu stuł stanovicca dziŭnym?

Čamu ad čyrvonaha vina balić hałava? Narešcie stała jasna

U Biełarusi zrobiać vakcynu ad ałkahalizmu? Spytali mierkavańnie narkołaha

Čamu niekatoryja ludzi adčuvajuć bolšuju tryvohu paśla ŭžyvańnia ałkaholu, čym inšyja

Antoś Župran

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH

28

2

1

2

2

3