Znajści
Ałharytmičny łacinski varyjant
21.02.2024 / 16:0817RusŁacBieł

Błohier paraŭnaŭ francuzskuju parfumu ad Dior za 550 rubloŭ ź biełaruskim anałaham za 30. Ci znajšoŭ roźnicu?

Tyktok-błohier nabyŭ dva vizualna adnolkavyja fłakony z parfumaj. Tolki ŭ adnym ź ich byŭ suśvietna viadomy vodar Fahrenheit ad Dior, a ŭ inšym Fragrand ad biełaruskaha brenda Dilis. Roźnica ŭ košcie ŭražvaje: kala 550 rubloŭ za francuzskuju parfumu suprać 30 rubloŭ za biełaruskuju. Ci adčuŭ jon roźnicu pad čas «ślapoha teściravańnia»?

Błoh Vadzima Łapaja ŭ tyktoku pryśviečany roznaj parfumie — chłopiec niabłaha aryjentujecca ŭ vodarach roznych brendaŭ.

— Ja nabyŭ parfumu ad biełaruskaha brendu — nazyvajecca Fragrand. Heta kłon na Dior Fahrenheit. Jon abyšoŭsia mnie ŭ 28 biełaruskich rubloŭ (ale na videa z kramy bačny ceńnik 29,92 pa akcyi zamiest pieršapačatkovych 47,49. — «NN»). Davajcie jaho prateścirujem, paraŭnajem z aryhinałam i zrazumiejem, ci treba pierapłačvać.

Błohier adznačyŭ, što skapiravać dyzajn fłakona ŭ biełaruskaha vytvorcy atrymałasia amal całkam — krychu adroźnivajucca tolki nakryŭki. Dalej asistent papyrskaŭ roznaj parfumaj na dva błotary (papiarovyja pałoski-testary): francuzskaj na roŭny i biełaruskaj na zahnuty.

Skrynšot videa ŭ tyktoku Vadzima Łapaja

Jak vy dumajecie, ci atrymałasia ŭ Vadzima zrazumieć, dzie što? Ź pieršych siekund. Jon navat zaśmiajaŭsia ad taho, nakolki ŭsio prosta atrymałasia.

— Rastłumaču, u čym roźnica. Dior Fahrenheit hučyć bolš husta, bolš źbita, bolš nasyčanaja i kancentravanaja kampazicyja. Pryčym pachnie adrazu mienavita parfumiernaj kampazicyjaj.

Biełaruskaja parfuma pachnie padobna, ale vielmi doŭha hučać śpirtavyja noty. I voś heta jaje vydaje. I vodar nie taki jarki.

Viadoma, aryhinalny pachnie našmat stramčej. Kali vy zachoplenyja parfumieryjaj, to varta pierapłacić i kupić aryhinał Fahrenheit. Dla tych, chto ŭvohule nie maje paniaćcia, što takoje parfumieryja, i choča prosta ŭziać niešta, kab smačna pachnuć, dyk Fragrand za 28 rubloŭ maje davoli niadrennaje hučańnie.

@vadimodoure#parfium#riekomiendacii#vadoure♬ orihinalnyj zvuk - Vadim Łapaj

Błohier kaža, što adšukać parfumu ad Dilis nieskładana: jana zvyčajna jość u kramach «Miła» i «Vostraŭ čyścini». Ale kali pahladzieć vodhuki na jaje, to bolšaść pakupnikoŭ niezadavolena ŭstojlivaściu vodaraŭ.

Za sutki rolik sabraŭ bolš za 765 tysiač prahladaŭ i bolš za 21 tysiaču łajkaŭ. A ŭ kamientaryjach, zrazumieła, pačalisia batły pamiž tymi, chto lubić aryhinały, i amatarami ekanomić.

Niechta pažartavaŭ: mocnyja śpirtavyja noty ŭ biełaruskaj parfumie dla taho, kab duchami možna było i papyrskacca, i vypić.

Čytajcie taksama:

Upieršyniu ŭ horada Biełarusi zjaviłasia svaja parfuma

«Pad 400 rubloŭ na miesiac». Biełaruski raskazali, kolki hrošaj traciać na kaśmietyku i čym karystajucca

Kudy nanosić parfumu i jak prymusić jaje pracavać uvieś dzień

Nashaniva.com

Chočaš padzialicca važnaj infarmacyjaj
ananimna i kanfidencyjna?

Клас
19
Панылы сорам
7
Ха-ха
34
Ого
5
Сумна
6
Абуральна
10
2
babrujčanin/adkazać/
21.02.2024
JANKA, Zołoto inkau žydou z kancłahieriej kassa ss da i kpss.šviejcarskije h.n.omiki praz sud viernuć?? Kanfiskavannyje hrošy sucharta ińšych dyktatarau majemaść viernuta z Štatau zach Jeuropy viernuty.Tyja ž hrošy jakija skrał Łazarienka v Ukrainie i aryštavany u Štatach dzieści 20 hod usie nijak ni viernucca)) Hrošy romčika abramoviča za " čiełsi" ni mulała brytancau??))) A zaraz jen pradał i abaciał Ukrainie jak Brytanija pavodzić?? Izrail uvohule z usiaho śvietu prymaje svaich ašukanciev ź vialikimi hrašami $€£¥ i ni vydaje)))
3
babrujčanin/adkazać/
22.02.2024
Niešta zasumnievałsia u hetym błohierie Dzieści ja bačyu padobny fłakon ?U pamiaci zastałaś ińšaja firma malunak Intierniet dapamoh kristofier dark Polšča)))Priemjera aromatu: 2013 Krajina TM: Polŝa Zrobleno v: Polŝa Stať: dla čołovikiv Kłasifikacija: mas markiet Tip aromatu: dierievińni, priani Počatkova nota: Bierhamot, Kviti hłodu, Łavanda, Limon..Ci ašukaniec hiety bł..ochier ci mud..riec dźla prahladu?? Ni pamiataju ja na vočy padobny pakunak u Delis I ni durnyja biełarusy...kab padobna tupa biez husta fantazii Ašukaniec hiety bł..ochier Voś kaho da suda za deskrydytacyju..
2
Maksim Dizajnier/adkazać/
22.02.2024
Soniejka,

I jeŝie tołpa takich žie tierpił  łajkov nastaviła. Rukalico.
Pakazać usie kamientary
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera