Mitrapalit Vienijamin uznaharodziŭ carkoŭnym ordenam Ivana Kubrakova
1 sakavika pravasłaŭny mitrapalit Minski i Zasłaŭski Vienijamin, patryjaršy ekzarch usiaje Biełarusi, pravioŭ paminalnuju lityju pa zahinułych pry vykanańni słužbovych abaviazkaŭ supracoŭnikach Ministerstva ŭnutranych spraŭ, paviedamlaje pres-słužba BPC. Pry hetaj nahodzie Vienijamin taksama ŭznaharodziŭ ministra ŭnutranych spraŭ Ivana Kubrakova ordenam śviaciciela Kiryły Turaŭskaha.
Hetym ordenam biełaruski ekzarchat RPC uznaharodžvaje dziaržaŭnych i hramadskich dziejačaŭ, pradstaŭnikoŭ tvorčaj intelihiencyi, klirykaŭ i parafijan, jakija «pasłužyli svajoj pracaj Biełaruskaj pravasłaŭnaj carkvie».
Ivan Kubrakoŭ uznačaliŭ Ministerstva ŭnutranych spravaŭ Biełarusi 29 kastryčnika 2020 hoda. Jon adzin z hałoŭnych arhanizataraŭ i vykanaŭcaŭ masavych palityčnych represij, jakija, nie spyniajučysia ni na adzin dzień, iduć u Biełarusi ŭžo amal čatyry hady.
Čytajcie taksama:
Kubrakoŭ zajaviŭ, što letaś u milicyju paprasilisia vosiem tysiač čałaviek
Łukašenka zajaviŭ, što śpiecsłužby ŭkaraniajucca ŭ «terarystyčnyja hrupoŭki»
Karpiankoŭ raskazaŭ, kolki vajskoŭcaŭ padrychtavali vahnieraŭcy
