Mužčynu, jakoha zatrymali paśla viartańnia z Polščy, buduć sudzić za «zdradu dziaržavie»
U Minharsudzie 21 sakavika pačniecca razhlad spravy suprać 29-hadovaha ŭradženca Žabinki Ramana Hałuzy. Jaho abvinavačvajuć pavodle č. 1 art. 356 KK (zdrada dziaržavie). Padrabiaznaści spravy nieviadomyja, a razhladać jaje budzie Alena Šylko, piša «Viasna».
Viadoma, što 19 lipienia 2022 hoda Raman pryjechaŭ u Biełaruś i źnik: pra jaho miescaznachodžańnie ničoha nie było viadoma, a pošukava-vyratavalny atrad «Paŭdniovy Zachad» navat abviaščaŭ jaho pošuki. Paźniej stała viadoma, što Hałuza žyvy i jaho miescaznachodžańnie ŭstanoŭlena — bieź jakich-niebudź padrabiaznaściaŭ. Ale znajomy Ramana ŭ sacsietkach pisaŭ, što toj znachodzicca ŭ SIZA KDB.
U Polščy Hałuza skončyŭ univiersitet, atrymaŭ polskaje hramadzianstva, zajmaŭsia vałanciorstvam — u tym liku dapamahaŭ biełaruskim uciekačam. Pavodle jaho znajomaha, zatrymańnie Ramana mahło być zahadzia spłanavanaje biełaruskimi siłavikami.
Ciapier jamu pahražaje da 15 hadoŭ kałonii.
Čytajcie taksama:
Zatrymali jašče dvuch biełarusaŭ, jakija pryjechali na radzimu z Polščy
Vilajčuk Andrej Kudzik nie vyjšaŭ z sutak pa adbyćci 15-dzionnaha aryštu
Biełaruskamoŭnaha ajcišnika z EPAM asudzili na drakonaŭski termin za danaty
