Pryznali palitviaźniami Dźmitryja Kučuka i jašče 12 čałaviek
4 krasavika pravaabaroncy pryznali palitviaźniami jašče 13 čałaviek, siarod jakich lidar likvidavanaj uładami partyi «Zialonyja» Dźmitryj Kučuk. Ahulnaja kolkaść ludziej, jakija na siońniašni dzień źjaŭlajucca palitviaźniami, składaje 1400 čałaviek.
Imiony i proźviščy novych palitviaźniaŭ — Dzijana Kiškarenka, Anastasija Jumanava, Volha Patrusajeva, Dźmitryj Kučuk, Michaił Pietraš, Juryj Chavanski, Pilip Ściopin, Jaŭhien Cybulka, Viačasłaŭ Baravik, Dźmitryj Ščamier, Andrej Anpiłohaŭ.
Chto hetyja ludzi i čamu pravaabaroncy ličać ich spravy palityčna matyvavanymi, možna daviedacca tut.
Śpis usich palitviaźniaŭ Biełarusi — tut.
Usiaho na dadzieny momant palitviaźniami, pavodle acenak pravaabaroncaŭ, pryznanyja 1400 čałaviek. Apošnim časam ahulnaja ich kolkaść istotna nie raście, a navat časam i źmianšajecca. Ale heta nie tamu, što represii ŭ Biełarusi mienšajuć, — prosta paralelna z novymi vypadkami źniavoleńnia pa kryminalnych spravach idzie praces vyzvaleńnia tych asudžanych, chto całkam adbyŭ svoj termin. Taksama sudy niekatorym prysudžajuć «chatniuju chimiju», paśla čaho čałaviek vychodzić z turemnych ścien, tamu bolš nie ličycca viaźniem.
Varta taksama ŭličvać, što ŭ statystyku ŭvachodziać daloka nie ŭsie, chto znachodzicca ŭ źniavoleńni z palityčnych pryčyn, realnaja kolkaść biełaruskich palitviaźniaŭ našmat bolšaja. Pra vielmi mnohich pravaabaroncam prosta ničoha nie viadoma.
Čytajcie taksama:
«Hod znachodzicca ŭ poŭnaj izalacyi». Što robicca z Maryjaj Kaleśnikavaj
Palityčnyja represii ŭ Biełarusi vyjšli na płato, i jano budzie zachoŭvacca — sacyjołah Koršunaŭ
