«Rasii ciapier patrebnaja takaja Biełaruś». Łukašenka patłumačyŭ, čamu biełaruskaja armija pakul nie vajuje
Łukašenku siońnia ŭ Maskvie spytali, ci budzie Biełaruś ustupać u vajnu.
Alaksandr Łukašenka, 12 krasavika 2024 hoda. Fota: Gavriil Grigorov, Sputnik, Kremlin Pool Photo via AP
Łukašenka zajaviŭ, što nieabchodnaści dla ŭstupleńnia Biełarusi ŭ vajnu suprać Ukrainy niama. Pry hetym jon adznačyŭ, što «Biełaruś robić svaju spravu».
«Takoj nieabchodnaści [ustupleńnia Biełarusi ŭ vajnu] niama. I nie budzie takoj nieabchodnaści. Ja niejak skazaŭ napiaredadni, što Rasii ciapier patrebnaja takaja Biełaruś — mirnaja, cichaja, spakojnaja, jakaja robić svaju spravu. U detalach ja vam nie budu raspaviadać, čym my zajmajemsia i hetak dalej.
Ja ž nie admaŭlajusia, što my «suahresary». Kožny robić svaju spravu.
Ale ja prosta kažu: ni ja, ni Pucin (my ŭčora taksama hetuju prablemu abmiarkoŭvali) nie chočam, kab pakutavaŭ braterski nam ukrainski narod. Nie chočam!» — zajaviŭ Łukašenka.
Pry hetym jon zaŭvažyŭ: vialikaj prablemy ŭ tym, kab pastavić «Iskander» i zapuścić rakietu pa Ukrainie niama. Adnak Łukašenka aścierahajecca nastupstvaŭ, pakolki «paŭkrainy znachodzicca ŭ radyusie 100 kiłamietrach ad Kijeva».
Akramia taho, Łukašenka zajaviŭ, što ŭkrainska-biełaruskaja miaža zanadta dobra ŭmacavanaja, tamu ŭstupleńnie Biełarusi ŭ vajnu ničoha b nie dało.
Čytajcie taksama:
«Dziasiatkami vykidvajuć trupy cieraź miažu». Pra što Łukašenka siońnia raskazvaŭ Pucinu
