Kantrakt na 3 miljady jeŭra. Sierbija zakupić źniščalniki ŭ Francyi, a nie ŭ Rasii
Kupla Rafale u Francyi aznačała b adychod ad Rasii jak tradycyjnaha pastaŭščyka zbroi i moža napružyć palityčnyja suviazi pamiž Białhradam i Maskvoj.
Źniščalnik VPS Francyi Dassault Rafale lacić na Dubajskim avijasałonie ŭ Dubai, 13 listapada 2023 hoda. Fota: AP Photo / Jon Gambrell
Sierbija moža padpisać pahadnieńnie ab zakupcy ŭ Francyi 12 šmatmetavych źniščalnikaŭ Rafale. Prezident Sierbii Alaksandr Vučyč padčas vizita ŭ Francyju zajaviŭ, što jon i prezident Emanuel Makron dasiahnuli kankretnych damoŭlenaściaŭ.
«Čakajecca, što kantrakt budzie padpisany ŭ bližejšyja dva miesiacy i ŭ prysutnaści prezidenta Francyi», — skazaŭ Vučyč žurnalistam.
Kupla Rafale u Francyi aznačała b adychod ad Rasii jak tradycyjnaha pastaŭščyka zbroi i moža napružyć palityčnyja suviazi pamiž Białhradam i Maskvoj.
U minułym hodzie Vučyč skazaŭ Reuters, što 12 novych samalotaŭ Rafale mohuć kaštavać bałkanskaj krainie kala 3 miljardaŭ jeŭra (3,26 miljarda dołaraŭ).
Sierbija, kandydat na ŭstupleńnie ŭ ES, maje adny z najbujniejšych uzbrojenych siłaŭ na Bałkanach, jakija pa-raniejšamu zaležać ad samalotaŭ savieckaj raspracoŭki, takich jak reaktyŭnyja samaloty MiH-29 i bajavyja viertaloty MI-35, a taksama rasijskija rakiety i tanki.
Sierbija zastajecca niejtralnaj krainaj, ale jana dałučyłasia da prahramy NATA «Partniorstva dziela miru», pryznačanaj dla krainaŭ, jakija nie imknucca dałučycca da transatłantyčnaha aljansu.
Vučyč zajaviŭ, što Sierbija budzie šukać inšych pastaŭščykoŭ zbroi paśla ŭviadzieńnia Zachadam sankcyj suprać Rasii ŭ suviazi ź jaje ŭvarvańniem va Ukrainu. Uzbrojenyja siły Sierbii ciapier pabudavanyja pa standartach NATA, i ich vojski časta trenirujucca z členami aljansu, u tym liku sa Złučanymi Štatami.
Sierbija nieadnarazova asudžała ŭvarvańnie va Ukrainu, ale nie dałučyłasia da sankcyj Zachadu suprać Rasii.
Čytajcie taksama:
Vajskovuju dapamohu Ukrainie akazvaje kraina, niezaležnaści jakoj jana nie pryznaje
«Jeŭropa vyhnała špijonaŭ Uładzimira Pucina. Ciapier jany viartajucca» — The Financial Times
Režysiora Andreja Hniota sud u Białhradzie pakinuŭ pad vartaj da vyniasieńnia rašeńnia
