Łukašenka pryznačyŭ novaha namieśnika staršyni Viarchoŭnaha Suda i zrabiŭ pierastanoŭki ŭ Śledčym kamitecie
Alaksandr Łukašenka padpisaŭ Ukaz № 160 «Ab pryznačeńni i vyzvaleńni sudździaŭ». Namieśnikam staršyni Viarchoŭnaha Suda im pryznačany Andrej Aleščanka, jaki da hetaha zajmaŭ pasadu sudździ hetaha suda.
Andrej Aleščanka
Andrej Aleščanka zaniaŭ miesca Andreja Zabary, jaki byŭ pryznačany z 1 studzienia 2024 hoda na pasadu sudździ Suda Jeŭrazijskaha ekanamičnaha sajuza ad Respubliki Biełaruś.
Kadravyja źmieny taksama adbylisia ŭ sudach rajonnaha i abłasnoha ŭzroŭniaŭ, piša pres-słužba Łukašenki, ale padrabiaznaści pakul nieviadomyja.
Taksama siońnia hienierał-major justycyi Siarhiej Udavikoŭ pryznačany načalnikam upraŭleńnia Śledčaha kamiteta Biełarusi pa Minskaj vobłaści.
Jon vyzvaleny ad raniejšaj pasady načalnika ŭpraŭleńnia Śledčaha kamiteta Biełarusi pa Homielskaj vobłaści.
Na hetuju pasadu pryznačany pałkoŭnik justycyi Maksim Spryncyn.
