Na Hrodzienščynie zatrymali sieryjnaha vykradalnika tuj — za 8 hadoŭ jon vykapaŭ bolš za 100 dreŭ
Častku vysadziŭ na svaim učastku.
Fota: UUS Hrodzienskaha abłvykankama
Na Hrodzienščynie milicyja zatrymała sieryjnaha vykradalnika tuj. 44-hadovy mužčyna dziejničaŭ z 2016 hoda, i jaho nie mahli złavić.
Zarablaŭ hrodzieniec u sadovych tavarystvach u rajonie vioski Tarusičy. Mužčyna vybiraŭ momant, kali haspadary dačnych učastkaŭ adsutničali, i vykopvaŭ dekaratyŭnyja raśliny, paviedamili ŭ milicyi Hrodzienskaj vobłaści.
Častku tuj jon pradavaŭ, u tym liku praź Internet, častku vysadziŭ na svaim učastku. Usiaho za vosiem hadoŭ mužčyna vykapaŭ bolš za sotniu dreŭ.
Akramia tuj, hrodzieniec vynosiŭ z saboj sadovy instrumient i budmateryjały: jon vykraŭ try dziasiatki mietaličnych zabornych siekcyj i ŭpakoŭki pienapłastu. Zatrymać mužčynu ŭdałosia, kali adna z dačnic zaŭvažyła čužoha čałavieka na susiedskim učastku, i vyrašyła patelefanavać u milicyju.
Ciapier vyśviatlajucca ŭsie paciarpiełyja pa hetaj spravie.
