ZŠA ŭviali sankcyi suprać MZKC za padtrymku rakietnaj prahramy Pakistana
Pavodle novaj zajavy Dziarždepa ZŠA, Minski zavod kołavych ciahačoŭ (MZKC) sumiesna ź niekalkimi kitajskimi kampanijami dapamahajuć Pakistanu vyrablać zbroju masavaha źniščeńnia.
«Minski zavod kołavych ciahačoŭ pastaŭlaŭ šasi dla śpiecyjalnych transpartnych srodkaŭ dla pakistanskaj prahramy dalokich balistyčnych rakiet. Takija šasi vykarystoŭvajucca Nacyjanalnym kompleksam raźvićcia pry Minabarony Pakistana (NDC) u jakaści dadatkovaha abstalavańnia dla zapusku balistyčnych rakiet», — paviedamlaje Dziarždepartamient ZŠA.
Akramia MZKC, u amierykanski sankcyjny śpis trapili i try kampanii z Kitaja: Xi'an Longde Technology Development Company Limited, Tianjin Creative Source International Trade Co Ltd i Granpect Company Limited.
Ich taksama abvinavačvajuć u pieradačy rakietnych technałohij i ruchavikoŭ Pakistanu.
Nahadajem, što MZKC z 2022 hoda znachodzicca pad sankcyjami ZŠA z-za vajny va Ukrainie.
Čytajcie taksama:
Kanada paviedamiła pra novyja sankcyi suprać biełaruskaha režymu
