ZŠA dazvolili pastaŭku ŭ Biełaruś miedycynskich pryład
Biuro pramysłovaści i biaśpieki Ministerstva handlu ZŠA (BIS) u paradku licenzijnaha vyklučeńnia dazvoliła pastaŭlać humanitarnyja miedycynskija vyraby hramadzianam Biełarusi, Rasii i na «časova akupavanyja terytoryi Ukrainy», paviedamiŭ Dziarždepartamient ZŠA.
Fota ilustracyjnaje
U toj ža čas BIS zachoŭvaje svaje maštabnyja abmiežavańni na ekspart, reekspart abo pieradaču (unutry krainy) tavaraŭ, jakija mohuć spryjać «žorstkamu poŭnamaštabnamu ŭvarvańniu Rasii va Ukrainu».
Zatoje dazvalajecca «ekspart, reekspart i pieradača (unutry krainy) u Rasiju, Biełaruś, časova akupavany Krym i inšyja zachoplenyja RF rehijony Ukrainy miedycynskich pryład, ich častak i kampanientaŭ, prynaležnaściaŭ i prystasavańniaŭ, pryznačanych vyklučna dla vykarystańnia ŭ miedycynskich pryładach abo ź imi».
Čytajcie taksama:
Dziarždep ZŠA zajaviŭ, što Pakistan nie razzłavaŭsia z-za novych sankcyj suprać MZKC
Va Ukrainie aryštavali majomaść kampanii, zasnavanaj padsankcyjnymi biełarusami
U Jeŭropie prapanujuć uvieści novyja ekanamičnyja sankcyi suprać režymu Łukašenki
