U Rasii na front adpravili dvuch paŭlinaŭ
Lipiecki zaapark mabilizavaŭ na front vajny z Ukrainaj dvuch paŭlinaŭ. Ptušak pieradali rocie 252-ha pałka ŭ ramkach akcyi «Chto, kali nie my».
Skryn videa: Miedyjazona
Zaapark paviedamiŭ, što pieradaŭ ptušak dla taho, kab jany natchniali rasijskich sałdat, jakija vajujuć suprać Ukrainy. Na apublikavanym u sacsietkach videa mužčyna ŭ bałakłavie zajaviŭ, što dla ptušak na froncie ŭžo budujuć valjer, dzie vajskoŭcy zmohuć «łavić duchoŭnaje supakajeńnie», raskazvaje «Miedyjazona».
Adnak nieŭzabavie pasty pra taki padarunak źnikli z sacsietak zaaparka. Akazałasia, usio heta praź niehatyŭnyja kamientary pra Uładzimira Pucina, jakija źjavilisia pad paviedamleńniami.
U zaaparku nazvali kamientataraŭ «ukrainskimi botami, jakija abražali Uładzimira Pucina».
Čytajcie taksama:
Lidar zabajkalskich bandytaŭ, jakomu dali 24 hady turmy, adpraviŭsia na vajnu va Ukrainu
