U jakich vypadkach achoŭnik u kramie moža zapatrabavać pakazać asabistyja rečy? I što rabić, kali vy hetaha nie chočacie?
Dla asabistaha nadhladu pavinny być važkija padstavy.
Achoŭniki kram u niekatorych vypadkach mohuć paprasić pakupnika pakazać asabistyja rečy na vychadzie z kasavaj zony. Jurysty raspaviali, jak pavodzić siabie ŭ takoj situacyi, piša »Lusterka».
Zhodna z zakanadaŭstvam, u achoŭnika jość prava dahladzieć asabistyja rečy, adnak na heta pavinny być važkija pryčyny.
Dahladać rečy supracoŭnik moža tolki ŭ tym vypadku, kali ŭ kramy jość ułasnaje padraździaleńnie achovy. Pry hetym achoŭnik pavinien pradjavić słužbovaje paśviedčańnie i žeton, jakija pavinny być zaćvierdžany pa formach 404-j pastanovy MUS.
Akramia taho, supracoŭnik abaviazany ahučyć padstavy nadhladu. Siarod ich:
- achoŭnik vyjaviŭ, što pakupnik źbirajecca niešta vykraści ci ŭžo zrabiŭ heta;
- vidavočcy abo supracoŭnik sam z dapamohaj sistem kantrolu abo videanazirańnia zaŭvažyli, što pakupnik niešta ŭziaŭ i nie zapłaciŭ;
- na vopratcy i (abo) rečach pakupnika jość ślady supraćpraŭnaha zamachu, naprykład, birki, supraćkradziežnyja klipsy.
Pry hetym achoŭniki nie majuć prava praviarać adzieńnie na čałavieku. Kali jość padazreńni, što pakupnik vyrašyŭ pranieści tavar na sabie, achoŭnik abaviazany vyklikać milicyju. U supracoŭnikaŭ MUS jość prava pravieryć pakupnika.
Dla abarony svaich pravoŭ pakupnik moža paprasić dazvołu na videa— abo aŭdyjafiksacyju nadhladu (kab taki dokaz ličyŭsia lehalnym, zhoda pavinna być).
Parušeńnie svaich pravoŭ možna zafiksavać u pratakole (kali jon składajecca) i (abo) u knizie zaŭvah i prapanoŭ kramy.
Čytajcie taksama:
Zatrymali hrupu ašukancaŭ, jakija kalečyli siabie, kab atrymać strachoŭku
