Ci mahčyma adnavić ruch ciahnikoŭ ź Biełarusi ŭ Jeŭropu?
Daradca Śviatłany Cichanoŭskaj Franak Viačorka raskazaŭ u vypusku jutub-kanała «Mnie taksama nie padabajecca», što viadoma pa hetym pytańni.
Ciahniki ź Biełarusi ŭ Jeŭropu pierastali puskać u pieryjad pandemii. Ale pa jaje zakančeńni ruch nie byŭ adnoŭleny. Pa słovach Viačorki, pryčynaj hetamu źjaŭlajucca sankcyi: «Sankcyi nakładzieny na čyhunku ŭvohule. I tam niemahčyma adroźnić pasažyrskija pieravozki ad niepasažyrskich».
Častka sankcyj była nakładziena ŭ adkaz na represii ŭ Biełarusi, častka — za ŭdzieł u vajennych dziejańniach u 2022-m hodzie, kali čyhunkaj pierapraŭlali rasijskija vojski.
Pa słovach Franaka, ofis Cichanoŭskaj sprabavaŭ vyrašyć hetaje pytańnie. Ale prablema ŭ tym, što ź viartańniem pasažyrskich ciahnikoŭ, «viernuć i padsankcyjnuju pradukcyju, jakaja haniajecca hetymi ciahnikami».
Viačorka adznačyŭ, što ličyć małarealistyčnym admianić sankcyi, nakładzienyja na Biełaruskuju čyhunku. U toj ža čas, pa jaho słovach, pytańnie adnaŭleńnia čyhunačnaha złučeńnia pavinna ŭzdymacca.
Čytajcie taksama:
Pamiž Minskam i Maskvoj chočuć puścić čartarnyja ciahniki, kab rasiejcam jeździć na karparatyvy
Biełarusam rekamiendujuć pierasiakać miažu z Polščaj pa novaj schiemie
