Novym kiraŭnikom urada Šatłandyi abrali pamiarkoŭnaha prychilnika niezaležnaści
Parłamient Šatłandyi pryznačyŭ novaha lidara Šatłandskaj nacyjanalnaj partyi Džona Suini pieršym ministram urada hetaj častki Vialikabrytanii. 60-hadovy Suini źjaŭlajecca prychilnikam poŭnaj niezaležnaści Šatłandyi ad Łondana, adnak vystupaje za pastupovy, biez rezkich ruchaŭ, vychad ź Vialikabrytanii, piša Bi-bi-si.
Džon Suini. Fota: PA Media
Papiaredni pieršy ministr i lidar Šatłandskaj nacyjanalnaj partyi Chamza Jusaf na minułym tydni padaŭ u adstaŭku. Paśla razvału ŭradavaj kaalicyi ź zialonymi jamu pahražali adrazu dva votumy niedavieru.
Takim čynam, Suini ŭznačalić urad mienšaści i dla pryniaćcia rašeńniaŭ budzie vymušany spadziavacca na padtrymku apazicyi: dla bolšaści jaho partyi nie chapaje dvuch mandataŭ. Jak čakajecca, Suini budzie aficyjna pryviedzieny da prysiahi ŭ sieradu.
Džon Suini ŭžo ŭznačalvaŭ Šatłandskuju nacyjanalnuju partyju — u 2000-2004 hadach, kali jana była ŭ apazicyi. Da i paśla hetaha jon byŭ deputatam roznych uzroŭniaŭ, a z 2007 hoda, kali jahonaja partyja pryjšła da ŭłady, zajmaŭ roznyja pasady va ŭradzie, adzin čas byŭ vice-premjeram.
Prahramnaja meta Šatłanskaj nacyjanalnaj partyi — niezaležnaść Šatłandyi, i ŭsie viadučyja fihury ŭ partyi niaźmienna klanucca ŭ viernaści hetaj mety, ale ŭ toj ža čas siarod ich isnujuć roznyja ŭjaŭleńni adnosna taho, jak mienavita da hetaj mety iści.
Džon Suini naležyć da łahiera prychilnikaŭ pastupovaha ruchu da niezaležnaści šlacham pašyreńnia aŭtanomii Šatłandyi ŭ ramkach Złučanaha Karaleŭstva.
U 2014 hodzie, kali Suini byŭ ministram finansaŭ i ekanomiki va ŭradzie tahačasnaha lidara Šatłandskaj nacyjanalnaj partyi Aleksa Sełmanda, Šatłandyja sa zhody Łondana praviała refierendum ab niezaležnaści. Prychilniki adździaleńnia prajhrali z roźnicaj u 10 pracentnych punktaŭ.
Čytajcie taksama:
Aryštavali byłuju pieršuju ministarku Šatłandyi. Kaliści jana była tvaram baraćby za niezaležnaść
U Šatłandyi adnavili dom Šreka i zdajuć jaho ŭ arendu praz Airbnb