Biełaruskaje pasolstva ŭ Kijevie vinnaje za kamunałku amal 10 tysiač dalaraŭ
Kijeŭskija kamunalniki źviarnulisia ŭ sud, patrabujučy spahnać 381599,24 hryŭni (kala 9700 dalaraŭ) ź biełaruskaha pasolstva za nieapłačanyja kamunalnyja pasłuhi.
Biełaruskaja pasolstva ŭ Kijevie. Fota: UNIAN
Pradpryjemstva «Kijeŭciepłaenierha» praciahvaje absłuhoŭvać budynak ambasady, adnak paśla pačatku rasijskaj vajny va Ukrainie Biełaruś za heta nie płacić. Ale i rabotniki pasolstva pakinuli jaho ŭ sakaviku 2022 hoda.
Pazoŭ pryniaty da razhladu sudździoj Haspadarčaha suda horada Kijeva.
Sprava budzie razhledžana ŭ sproščanym paradku. Baku adkazčyka dajecca 15 dzion na padrychtoŭku adkazu na pazoŭ kijeŭskich kamunalnikaŭ z momantu ŭručeńnia sudovaha vyznačeńnia.
Paśla hetaha budzie pryniata sudovaje rašeńnie, jakoje nie padlahaje abskardžańniu.
