Rasijskija vojski ŭvajšli ŭ siało Umanskaje na zachad ad Aŭdziejeŭki i vyviesili tam ściah SSSR
Paśla padzieńnia Aŭdziejeŭki ŭkrainskija vojski trymali abaronu na zachad ad horada na linii Bierdyčy — Siamionaŭka — Arłoŭka — Tonieńkaje.
Bild
Da kanca sakavika US RF prarvali hetuju liniju i prasunulisia na zachad. USU zaniali abaronu ŭ nastupnych siołach na zachad, pieršaje ź jakich — Umanskaje. Ciapier rasiejskija vojski ŭvajšli i ŭ jaho. Na pomniku zahinułym u Druhoj suśvietnaj vajnie ŭstanavili čyrvony ściah SSSR ź siarpom i mołatam, paviedamlaje ekśpiert Bild Julijan Ropkie.
Umanskaje na karcie paznačana kaardynatami. Fota: Maps.google.com
«Rasijskaje vojska ŭvarvańnia prarvała ŭkrainskuju liniju abarony na zachad ad Arłoŭki i pastaviła saviecki ściah u centry Umanskaha. Paŭdniovaja i zachodniaja častki vioski, miarkujučy pa ŭsim, pakul zastajucca pad kantrolem ukrainskaj armii. Častka kadraŭ śviedčyć ab raźlutavanych atakach na ŭkrainskija akopy na ŭschod ad Umanskaha i adychod ukrainskich vojskaŭ na zachad pa paŭnočnym baku voziera kala vioski», piša Ropkie.
