U Homieli za «ekstremizm» asudzili vykładčycu ŭniviersiteta transpartu
Pa infarmacyi «Homielskaj viasny», učora ŭ Homieli za «raspaŭsiud ekstremisckich materyjałaŭ» asudzili 29-hadovuju Zinaidu Syč. Jana pracuje asistentkaj kafiedry «Budaŭničyja technałohii» Biełaruskaha dziaržaŭnaha ŭniviersiteta transpartu, maje zvańnie mahistra techničnych navuk i haduje dvuch niepaŭnahadovych dziaciej.
Zinaida Syč. Fota z asabistaj staronki ŭ «Adnakłaśnikach»
8 traŭnia ŭ sudzie Čyhunačnaha rajona horada Homiela na Zinaidu Syč było nakładziena administracyjnaje spahnańnie pa častcy 2 artykuła 19.11 (raspaŭsiudžańnie, vyrab, zachoŭvańnie, pieravozka infarmacyjnaj pradukcyi, jakaja ŭtrymlivaje zakliki da ekstremisckaj dziejnaści albo prapahanduje takuju dziejnaść) KaAP RB. Pastanovu suda vynosiŭ sudździa Mikałaj Krupadzioraŭ. Vynik administracyjnaha spahnańnia pakul nieviadomy.
Pa źviestkach «Homielskaj viasny», tolki za 8 traŭnia ŭ Homieli i vobłaści adbyłosia 7 palityčna matyvavanych administracyjnych pracesaŭ, pra jakija stała viadoma pravaabaroncam. Pracesy adbylisia ŭ Jelsku, Žłobinie, Rahačovie, Rečycy, Śvietłahorsku.
Čytajcie taksama:
Papularnuju homielskuju fatohrafku sudzili pa dvuch kryminalnych palityčnych artykułach
U Šumilinie zatrymali dvuch katalickich klirykaŭ
Źbitamu milicyjantami vaŭkavyskamu rabočamu nie pavieryŭ rajonny sud — ale pavieryŭ abłasny