Vyznačylisia ŭsie ŭdzielniki finału «Jeŭrabačańnia‑2010»
Na mižnarodnym konkursie pieśni «Jeŭrabačańnie‑2010», jaki prachodzić u Osła, vyznačylisia ŭsie ŭdzielniki finału.
29 maja vystupiać 25 vykanaŭcaŭ: 20 pieramožcaŭ dvuch paŭfinałaŭ, pradstaŭniki čatyroch krain — zasnavalnic konkursu (Ispanii, Francyi, Hiermanii, Vialikabrytanii), a taksama Narviehii, čyjo udzielnik, uradženiec Biełarusi Alaksandr Rybak, pieramoh letaś.
25 maja ŭ pieršym paŭfinale lepšymi stali Bośnija i Hiercahavina, Małdova, Rasija, Hrecyja, Partuhalija, Biełaruś, Sierbija, Bielhija, Ałbanija i Isłandyja. Nie trapili ŭ vyrašalny raund Łatvija, Finlandyja, Słavakija, Malta, Makiedonija, Polšča i Estonija. Zhodna ź losavańniem biełaruskija kankursanty, hurt «3+2», vystupali pieradapošnimi.
27 maja ŭ druhim paŭfinale pieramahli Hruzija, Ukraina, Turcyja, Izrail, Irłandyja, Kipr, Azierbajdžan, Rumynija, Armienija i Danija. Nie prajšli Litva, Šviejcaryja, Šviecyja, Hałandyja, Słavienija, Bałharyja i Charvatyja.
Hurt «3+2» i šviedski pijanist i kampazitar Robiert Uełs vystupiać u finale pad dzieviatym numaram.
Jany pakažuć kampazicyju Butterflies («Matylki»), muzyku da jakoj napisaŭ rasijski pradziusier Maksim Fadziejeŭ, słovy — polskaja paetka Malka Čaplin.
