U kobrynskaj milicyi — štamp z arfahrafičnaj pamyłkaj
Členy respublikanskaha hramadskaha abjadnańnia «Tavarystva biełaruskaj movy imia Franciška Skaryny» z Kobrynskaha rajona Siarhiej Mahonaŭ i Viktar Hryškievič nakiravali skarhu ministru ŭnutranych spraŭ Anatolu Kulašovu, u jakoj aburajucca staŭleńniem da biełaruskaj movy miascovaha rajadździeła milicyi.
Nahodaj dla zvarotu staŭ nadpis na štampie Kobrynskaha RAUS. Tekst vykanany
«Takoje staŭleńnie da biełaruskaj movy, jakaja źjaŭlajecca adnoj ź dziaržaŭnych, demanstruje nieachajnaść kiraŭnictva RAUS, a taksama abražaje hodnaść hramadzian, jakija vymušany čytać aficyjny štamp takoj pavažanaj arhanizacyi, jak milicyja, z arfahrafičnymi pamyłkami», — skazaŭ Mahonaŭ.
Aktyvisty TBM prosiać Anatola Kulašova pravieści razhlad i «prykłaści namahańni dla vypraŭleńnia situacyi».
Mahonaŭ i Hryškievič taksama źviarnulisia da hienprakurora Ryhora Vasileviča z prośbaj abaranić ich pravy i intaresy, jakija, pavodle mierkavańnia členaŭ TBM, parušanyja prakuraturaj Kobrynskaha rajona.
U svajoj zajavie jany paviedamlajuć, što na budynku prakuratury adsutničaje šylda na biełaruskaj movie, «što vyklučaje mahčymaść pačarpnuć ź jaje
U suviazi z hetym Mahonaŭ i Hryškievič prosiać pravieści pravierku ŭ dačynieńni da słužbovych asob rajonnaj prakuratury, u čyju kampietencyju ŭvachodzić naležnaje afarmleńnie budynka, na pradmiet najaŭnaści ŭ ich dziejańniach pravaparušeńnia, a taksama pryniać miery da zabieśpiačeńnia prava na atrymańnie infarmacyi na abiedźviuch dziaržaŭnych movach.
Akramia taho, aktyvisty TBM źviartajuć uvahu hienprakurora na toje, što «infarmacyjny ščyt pra čas pracy prakuratury znachodzicca za ŭvachodnymi dźviaryma, h.zn. unutry budynka, i zvyčajnym hramadzianam, jakija nie vałodajuć zvyšnaturalnymi zdolnaściami, niemahčyma atrymać infarmacyju, kali prychodzić u prakuraturu, kali jana ŭžo nie pracuje».