Oasis — Wonderwall
Noelu Hałachieru 29 maja spoŭniłasia 45.
Kala dvaccaci hod tamu Noel Hałachier pryniaŭ prapanovu małodšaha brata Lijama paŭdzielničać u jahonym muzyčnym hurcie. Tady jon nazyvaŭsia The Rain, ale nieŭzabavie atrymaŭ nazvu Oasis.
Wonderwall
Noel pahadziŭsia, zajaviŭšy pry hetym, što biare na siabie teksty i kantrol za dziejnaściu kalektyvu. I paabiacaŭ zrabić svaich novych kalehaŭ suśvietnymi zorkami. Svajo słova jon strymaŭ. Vypusk pieršych albomaŭ Oasis prypaŭ na roskvit bryt-popa. Muzyki svoječasova schapili hetuju chvalu i jana vyniesła ich na viaršyniu słavy.
The Masterplan
Tak zdaryłasia, što Noelu było nakanavana nie tolki zrabić Oasis zvyšpapularnym, ale i niepasredna spryčynicca da jaho źniknieńnia. U 2009 hodzie jon syšoŭ, kab raspačać ułasnuju karjeru. Paśla jaho sychodu Lijam abviaściŭ pra spynieńnie tvorčaści hurtu.
Slide Away
Papularnaść Oasis trymałasia nie tolki na muzyčnych talentach jaho ŭdzielnikaŭ, a taksama na skandalnym charaktary Hałachieraŭ. U bratoŭ, jakija vyraśli ŭ irłandskaj siamji, było niaprostaje dziacinstva i rok-n-rolny ład žyćcia jany viali zadoŭha da roskvitu muzyčnaj karjery. Staŭšy papularnymi, Noel i Lijam uvohule pierastali admaŭlać sabie va ŭsim.