Ad čaćviarha ŭ Minsku pačnuć uklučać aciapleńnie

U Minsku z 11 kastryčnika dazvolena ŭklučać aciapleńnie ŭ dziciačych sadach, školnych, lačebna-prafiłaktyčnych, miedycynskich ustanovach, ustanovach sacyjalnaha zabieśpiačeńnia, muziejach, dziaržaŭnych archivach i biblijatekach,

paviedamili ŭ adździele enierhietyki Minharvykankama.

Takoje rašeńnie, zychodziačy ź niespryjalnaha prahnozu nadvorja, pryniaŭ 9 kastryčnika Minski haradski vykanaŭčy kamitet. Uklučeńnie aciapleńnia budzie adbyvacca pa ŭzhadnieńniu ź ciepłazabieśpiačalnymi arhanizacyjami pry najaŭnaści pašpartoŭ hatoŭnaści. Na hety čas budzie arhanizavana dziažurstva piersanału.

Pry tempieratury znadvornaha pavietra vyšej za plus 10 hradusaŭ aciapleńnie pamiaškańniaŭ pravodzicca ŭ režymie prapalvańnia. U vypadku stabilnaha pavyšeńnia siaredniasutačnaj tempieratury znadvornaha pavietra prymajucca svoječasovyja miery pa adklučeńni aciapleńnia.

Z nastupnaha tydnia ŭ stalicy, napeŭna, pačnuć padklučać da ciapła i žyły fond. Ciapło padajecca ŭ damy paetapna — pa 20 pracentaŭ damoŭ u dzień.

Praces raściahvajecca prykładna na tydzień, tamu što pastaŭščyki ciapła («Minskkamunciepłasietka» i «Minskija ciepłavyja sietki») nie mohuć adnačasova ŭkinuć u sietku vialiki abjom vady. Paśla ŭklučeńnia ciapła sistemy aciapleńnia adrehulujuć. Na heta spatrebicca jašče prykładna dva tydni.

BiełTA

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH