Znajści
Ałharytmičny łacinski varyjant
22.11.2012 / 11:1210RusŁacBieł

9 picaŭ ź minskich dastavak — test-paraŭnańnie

Citydog.by zamoviŭ 9 picaŭ ź minskich dastavak, kab pravieryć, nakolki chutkimi buduć kurjery i nakolki heta možna jeści.

Kab daviedacca pra jak maha bolšuju kolkaść inhredyjentaŭ u picy, my zakazvali «Čatyry siezony». Praŭda, u adnoj piceryi takoj nie było, a jašče ŭ dźviuch naš zakaz pierabłytali i pryvieźli nie tuju picu. Na siaredzinie dehustacyi my ŭśviadomili, što rašeńnie nie brać z saboj italjanskaha ekśpierta i kaštavać usio samastojna było pravilnym. Inakš było b zanadta soramna. A ciapier — padrabiaznaści.

Pizzeria Italiana — ex. Bosco

Pracuje z 10.00 da 22.00, +375 17 295 69 99, +375 33 680 69 99

Tut 20 vidaŭ picy dyjamietram 30 sm, vaha picy na sajcie nie ŭkazanaja. Samaja tannaja — «Kalcone» za 36 850 rub., Samaja darahaja — «Viaskovaja» za 85 050 rub. Minimalny zakaz na sajcie — katehoryja sprečnaja, tamu ŭ kožnym vypadku lepš patelefanavać i ŭsio vyśvietlić u apieratara. Dastaŭka kaštuje 10 000 rub., skrynka dla picy — 3 800 rub.

Dastavili picu za 38 chvilin: zakaz byŭ pryniaty ŭ 14:54, kurjer prybyŭ u 15:31.

«Čatyroch siezonaŭ» na sajcie niama, tamu my paprasili «Miasny Miks» (30 sm, 81 500 rub.: Hrudzinka, kuryca, viandlina, salami, hryby, sałodki pierac). Picu pryvieźli nie roŭnuju i nie vielmi pryhožuju, zatoje pamier byŭ bolšy za abiacany — 32 na 34 sm. Jana była jašče haračaj — i ŭ joj było sapraŭdy šmat miasa.

Kaviarnia Buon Appetito

Pracuje z 8.00 da 22.00 (pt — nd da 23:00), +375 29 320 80 00, +375 33 320 80 00

Kala 20 vidaŭ picy, dastupnych u dvuch pamierach — siarednim, 24 sm, i vialikim, 32 sm, adnak vaha picy na sajcie nie ŭkazanaja. Samaja tannaja pica — siaredniaja «Marharyta» za 21 000 rub., Samaja darahaja — vialikaja «Vieniecyja» za 73 500 rub. Minimalny zakaz, nie paznačany na sajcie, — 70 000 rub. Dastaŭka biaspłatnaja, skrynka dla picy — 2 650 rub.

Dastavili picu za 36 chvilin: zakaz byŭ pryniaty ŭ 16:06, u dźviery pastukali ŭ 16:42.

Zamiest siaredniaj picy «Čatyry siezony» (24 sm, 41 200 rub.: sous, syr, kaŭbasa, krevietki, šampińjony, maśliny, pamidory) nam, zdajecca, pryvieźli kryvuju picu «Akapulka» (24 sm, 30 550 rub., sous, syr, šampińjony, viandlina, ahurki) pamieram 25 na 27 sm. Pica akazałasia presnaj i nie parezanaj da kanca, ciesta było humovym, načynka biednaj, a sama pica amal nie pachła. Karaciej, nie rekamiendujem.

PrestoPizza

Pracujuć kruhłasutačna, pierapynak z 4.00 da 6.00, +375 17 213 40 40, +375 29 622 77 00, +375 33 660 07 00, +375 25 6 70 00 00

Tut vialiki vybar picy: tolki maleńkich jość 30 vidaŭ. Samaja tannaja — «mini Hrybnaja» (23 sm, 345 h, 35 000 rub.), Samaja darahaja — «maxi Anhielskaja» (41 sm, 1260 h., 154 900 rub.). Minimalny zakaz — 70 000 rub. Dastaŭka i skrynka dla picy — biaspłatnyja.

Dastavili picu za 1 hadzinu 26 chvilin: zakaz byŭ pryniaty ŭ 16:12, u 17:33 kurjer patelefanavaŭ paviedamić, što zabłukaŭ, a ŭ dźviery pastukaŭ u 17:38.

Siaredniaja pica «Čatyry siezony» (32 sm, 770 h, 95 900 rub.: macareła, hryby, viandlina, maśliny, marynavany pierac) była jašče ciopłaj i vielmi pryhožaj: načynki nie paškadavali, na toŭstym draždžavym cieście lažali horki viandliny, šampińjonaŭ, alivak i piercu, kavałki byli vydatna adździelenyja. Praŭda, kali vy nie lubicie toŭstyja asnovy dla picy, zakazvać tut nie varta.

Pizza.by

Pracujuć kruhłasutačna, +375 29 690 93 93, +375 29 555 93 93, +375 25 990 93 93, +375 17 290 93 93

U mieniu sajta — 22 picy, kožnuju ź jakich možna zamović u čatyroch pamierach (18 sm, 27 sm, 32 sm i 45 sm). Samaja tannaja — dziciačaja «Viehietaryjanskaja» (18 sm, 211 h, 34 700 rub.), Samaja darahaja — siamiejnaja «Z łasosiem» (45 sm, 1002 h., 172 850 rub.). Minimalny zakaz dla biaspłatnaj dastaŭki — 100 000 rub. Pry zamovie na mienšuju sumu dastaŭka — 15 000 rub., Skrynka dla picy — biaspłatna.

Dastavili picu za 1 hadzinu 7 chvilin: zakaz na sajcie byŭ pryniaty ŭ 16:58, apaviaščeńnie ab mierkavanaj dastaŭcy pryjšło ŭ 18:21, adnak kurjer pryjechaŭ chutčej — u 18:05.

Zamoŭlenaja pica «Čatyry siezony» (27 sm, 482 h, 73 200 rub.: kapiersy, maśliny, śviežy pierac, piatruška, śvinaja palandvica, macareła, śviežyja šampińjony, pamidory, aliŭki, krevietki) sapraŭdy była 27 sm u dyjamietry. U picy adsutničali abiacanyja kapiersy i aliŭki, jana akazałasia płastylinavaj. Načynki na joj było mała, a piatruški — zašmat, viandlina była sumnieŭnaj. Zatoje krevietki kuchary sapsavać nie zmahli.

Pica Tempa

Pracujuć z 10:00 da 22:00 (pt — sb — kruhłasutačna), +375 17 292 11 11, +375 29 862 11 11, +375 29 192 11 11, +375 25 792 11 11.

Dastaŭka bujnoj minskaj sietki piceryj pryvozić navat śniadanki. Akramia hetaha, jość 46 vidaŭ picy roznych pamieraŭ — i siarod ich vielmi prosta znajści viehietaryjanskija. Samaja tannaja pica — dziciačaja «Marharyta» (18 sm, 140 h, 14 600 rub.), samaja darahaja — siamiejnaja «Ekstrym» (45 sm, 1340 h., 168 000 rub.). Minimalny zakaz dla biaspłatnaj dastaŭki — 100 000. Pry zamovie na sumu ad 30 000 da 100 000 rub. dastaŭka składaje 10 000 rub., skrynka dla picy — 2 300 rub.

Dastavili picu za 1 hadzinu 18 chvilin: zakaz na sajcie byŭ pryniaty ŭ 17:24, apieratar pieratelefanavaŭ u 17:35, a kurjer pryjechaŭ u 18:42.

My zamovili maleńkuju picu «Čatyry siezony» (26 sm, 360 h, 46 500 rub.: tamatny sous, macareła, viandlina, šampińjony, krevietki, midyi, časnočnaje masła). Jana pryjechała i rasčaravała nas: kryvaja, 26 na 27 sm, drenna parezanaja, ź niepryjemnymi krevietkami i kurynaj viandlinaj. Zatoje byli dobryja šampińjony i midyi, choć apošnich na picy akazałasia ŭsiaho try. Karaciej, pajeli papiery — i vam nie raim.

Kaviarnia-piceryja Calabria

Pracujuć z 11:00 da 22:30, +375 29 103 06 03, +375 29 279 99 79

Hetaja dastaŭka pracuje ź italjanskim restaranam, tak što vybrać tut možna nie tolki adnu z 25 picaŭ. Samaja tannaja ź ich — «Marharyta» (495 h, 57 400 rub.), samaja darahaja — «Kvadra» (1050 h., 228 000 rub.). Minimalny zakaz dla biaspłatnaj dastaŭki — 150 000 rub. Pry zamovie na mienšuju sumu dastaŭka — 12 000 rub., skrynka dla picy — 5 500 rub.

Dastavili picu za 1 hadzinu 2 chviliny: zakaz byŭ pryniaty ŭ 17:58, kurjer pryjechaŭ u 19:00.

Zamiest zamoŭlenaj picy «Čatyry siezony» (580 hr, 69 550 rub., šampińjony, viandlina, pamidory, pierac, macareła) nam pryvieźli picu «Pa-miłansku» (510 h, 77 300 rub.), z kurycaj i hrybami, redkimi kavałkami piercu i maślin, dyjamietram 29 sm. Pica akazałasia presnaj, zatoje dobra narezanaj. Kali vas takija fokusy nie pałochajuć, viedajcie: tut dziejničaje akcyja, zhodna ź jakoj kožnuju 10-ju picu vam dorać.

Eda.by

Pracujuć kruhłasutačna, +375 17 390 00 39, +375 29 351 00 00, +375 29 551 00 00, +375 25 631 00 00.

U mieniu jość 25 varyjantaŭ picy i mahčymaść sabrać svaju z prapanavanych inhredyjentaŭ. Samaja tannaja z hatovych — «Marharyta» (325 h, 34 100 rub.), Samaja darahaja — «Miehapica z łasosiem» (720 h, 116 100 rub.). Minimalny zakaz u luby čas sutak — 70 000 rub., nočču košt dastaŭki zaležyć ad sumy zakazu i miesca. Skrynka dla picy — 3 000 rub., survetki biaspłatnyja.

Dastavili picu za 1 hadzinu: zakaz na sajcie byŭ pryniaty ŭ 18:00, apieratar pieratelefanavaŭ u 18:02, kurjer pryjechaŭ u 19:00.

U hetaj vielmi vietlivaj dastaŭcy my zamovili maleńkuju picu «Čatyry siezony» (28 sm, 445 h, 65 300 rub.:, krevietki, viandlina, šampińjony, śviežy pierac, syr, tamatny sous, razmarynavy alej). Apieratar paabiacaŭ kurjera praz hadzinu dvaccać, a toj pryjechaŭ usiaho praz hadzinu. Pica akazałasia simpatyčnaj, viandlina ŭ joj była dobraja, jak i hryby z drobnymi krevietkami. Nielha skazać, što pica była smačnaj (astyŭšy, jana padazrona prylipła da papiery), ale jana daryła nadzieju.

CityPizza

Pracujuć z 9:00 da 23:00, karotki numar dla abanientaŭ velcom i MTS — 7227

Dastaŭka ź minskaj kaviarni z uražlivaj nazvaj «Vizavi». Samaja tannaja ź ich — «Marharyta» (32 sm, 395 h, 56 000 rub.), samaja darahaja — «4 syry» (43 sm, 970 h, 152 000 rub.). Minimalny zakaz — 80 000 rub., dastaŭka biaspłatnaja, a skrynka dla picy kašiuje 2760 rub.

Dastavili picu za 1 hadzinu 15 chvilin: zakaz na sajcie byŭ pryniaty ŭ 18:20, kurjer pryjechaŭ u 19:35.

Pryjechali «Čatyry siezony» (32 sm, 515 h, 76 000 rub.: śviežy pierac, krevietki, śviežyja hryby, viandlina), i navat bolšyja, čym abiacana — krai picy dyjamietram 33 sm kakietliva zavaročvajucca, ledź źmiaščajučysia ŭ skrynku. Na smak pica nie ŭjaŭlała ničoha asablivaha — była niesalonaj, zatoje prysypanaj śpiecyjami. Ale ŭsio ŭražańnie sapsavaŭ kurjer: spačatku jon łajaŭsia pa telefonie, što nie moža znajści ofisny budynak, a paśla nie pavarušyŭ i palcam, kab znajści 10 000 rub. rešty.

«UNOpicca»

Pracujuć z 11:30 da 23:00, +375 29 362 42 42, +375 33 362 42 42

20 picaŭ na vybar, čaściej za ŭsio ŭ dvuch pamierach. Samaja tannaja ź ich — «Marharyta» (32 sm, 32 000 rub.), samaja darahaja — «Bry i biełyja hryby» (42 sm, 113 500 rub.). Pry zamovie, mienšaj za 100 000 rub., dastaŭka składaje 20 000 rub., ale kali vy źbirajeciesia pajeści daražej, dastaŭka budzie biaspłatnaj. Skrynka — biaspłatna.

Dastavili picu za 1 hadzinu 2 chviliny: zakaz byŭ pryniaty ŭ 18:38, kurjer pryjechaŭ u 19:40.

Badzioryja dziaŭčaty z koł-centra kažuć: «Jak vas zvać? A ad 100 tysiač u nas biaspłatnaja dastavačka!» Pryviezienaja takim ža miłym kurjeram pica «Čatyry siezony» (32 sm, 85 500 rub.: macareła, bry, dacki biekon, cukini, midyi, krevietki, kalmary) i vyhladaje vydatna, i na smak dobraja — chiba što zusim nie salonaja. Praŭda, na karcinku z sajta mała padobna — choć hetaja prablema była ŭ kožnaj dastaŭki.

citydog.by

Chočaš padzialicca važnaj infarmacyjaj
ananimna i kanfidencyjna?

Клас
Панылы сорам
Ха-ха
Ого
Сумна
Абуральна
Kab pakinuć kamientar, kali łaska, aktyvujcie JavaScript u naładach svajho braŭziera
Kab skarystacca kalendarom, kali łaska, aktyvujcie JavaScript u naładach svajho braŭziera