U Opiery — novy «Kniaź Ihar»

Viečaram 23 listapada na scenie Nacyjanalnaha akademičnaha Vialikaha teatra opiery i baleta adbudziecca premjera novaj sceničnaj redakcyi opiery «Kniaź Ihar» Alaksandra Baradzina.

Krytyki nazyvajuć śpiektakl opiernym šedeŭram, opieraj-epapiejaj, jakaja vyrasła na asnovie viadomaha pomnika staražytnaruskaj paetyčnaj dumki «Słova pra pachod Iharavy».

Letapis «Kniazia Ihara» na scenie Vialikaha teatra Biełarusi — heta ŭnikalnyja pastanoŭki 1934, 1949, 1967, 1996 hadoŭ, jakija stali źjavami ŭ historyi teatra i padziejami kulturnaha žyćcia krainy.

Redakcyja 2012 hoda režysiora Juryja Alaksandrava z abnoŭlenaj scenahrafijaj mastaka-pastanoŭščyka Ludmiły Hančarovaj praciahnie ideju, jakaja apieluje da fiłasofskich razvažańniaŭ na temu «kiraŭnik i narod» i znoŭ urazić praŭdzivaściu i realistyčnaściu.

A taksama dazvolić, pad kiraŭnictvam dyryžora Paŭła Sarokina, nanova adkryć moc, siłu, sakavitaść, jarkaść i strasnaść muzyki Baradzina, ličać teatralnyja dziejačy.

22 listapada ŭ teatry prajšoŭ hienieralny prahon opiery «Kniaź Ihar».

BiełaPAN

Chočaš padzialicca važnaj infarmacyjaj
ananimna i kanfidencyjna? Pišycie redaktaru
«Našaj Nivy» ŭ TH