Pra Biełaruś va Ŭrocłavie
Va Ŭrocłavie 28—29 kastryčnika projdzie kanferencyja «Polskaja ŭschodniaja palityka». Mierapryjemstva ładzić niedziaržaŭny fond «Kalehijum Uschodniaje Eŭropy» pry ŭdziele Ministerstva zamiežnych spraŭ Polščy, katedry pa vyvučeńni Ŭschodniaje Eŭropy pry Varšaŭskim universytecie dy mera Ŭrocłava.
Miarkujecca, što ŭ adkryćci kanferencyi voźmie ŭdzieł ministar zamiežnych spraŭ Polščy Adam Rotfeld.
Aleś Kursievič
Pasoł z Ałtaju ŭ Biełaruś
Jak stała viadoma hazecie «Kommiersant'», Kreml uzhadniŭ z A.Łukašenkam kandydaturu novaha rasiejskaha pasła ŭ Miensku. Im stanie były ałtajski hubernatar Alaksandar Surykaŭ. Apošni čas jon zajmaŭ pasadu pamočnika pradstaŭnika Pucina ŭ Sibirskaj federalnaj akruzie.
Adamkus advioŭ dušu pierad Šroderam
U časie vizytu ŭ Berlin litoŭski prezydent Vałdas Adamkus pajšoŭ na kanflikt z eks-kancleram Hierchardam Šroderam, paviedamlajuć niamieckija hazety. Svaje rezkija pretenzii na adras berlinskaha kiraŭnictva Adamkus vykazaŭ jak padčas asabistaj sustrečy sa Šroderam u Berlinie, tak i ŭ razmovie ź niamieckimi žurnalistami.
Mova idzie pra niamiecka-rasiejskaje pahadnieńnie ab budaŭnictvie trubapravodu ŭ abychod uschodnieeŭrapiejskich krainaŭ i pra niamieckuju palityku adnosna aficyjnaha Miensku. Pavodle jahonych słovaŭ, i Niamieččyna, i Eŭropa pakinuli biez padtrymki biełaruski narod i demakratyčnuju apazycyju. Jak paviedamlajuć niamieckija medyi, eks-kancler Šroder zastaŭsia niezadavoleny, što razmova pamiž im i Adamkusam adbyłasia bolš čym ščyraja i adkrytaja.
Adamkus vykazaŭ nadzieju, što Anhiele Merkiel udasca «paŭpłyvać na niaŭdałyja rašeńni Šrodera».
U abaronu aviečak
U Novaj Zelandyi zabaroniać hulać u rehbi z aviečkami. U krainie vielmi papularnyja tak zvanyja hulni z žyviołami ŭ pierapynkach pamiž matčami ŭ rehbi. Dzieci haniajucca za aviečkami, apranutymi ŭ spartovuju formu, adpracoŭvajučy tym samym hulniavyja sutyknieńni i zachvaty. Svoj kateharyčny pratest vykazali tavarystvy pa achovie žyviołaŭ, i ciapier žyviolin pakinuć u spakoi. Miž tym aviečki ŭvajšli ŭ historyju navazelandzkaha sportu №1 nia tolki hetym. Znakamity hulec Kolin Midz biehaŭ pa ŭzhorkach ź dźviuma aviečkami pad pachami, trenirujučy tym samym vynoślivaść.
Mikoła Buhaj
