9 listapada ŭ Miensku ŭ budynku pa vulicy Bahdanoviča, 25 adčyniłasia kniharnia «Duchoŭnaja kniha».
U kniharni bahata litaratury pa-biełarusku: tvory Jana Paŭła II, relihijnyja dapamožniki, «Dziciačaja Biblija», historyi śviatych, časopisy «Naša viera» i «Ave Maria». Kniha Ŭładzimiera Konana «Ksiondz Adam Stankievič i katalickaje adradžeńnie ŭ Biełarusi» susiedničaje z «Hadaraj» Iryny Žarnasiek, vieršami N.Hileviča i D.Bičel-Zahnietavaj, a zborničak Janki Bryla «Błakitny źnič» paznačany aŭtarskim aŭtohrafam z zyčeńniem usiaho najlepšaha.
Amal cełaja palica zastaŭlena knihami Alaksandra Mienia, jość zbor tvoraŭ Uładzimiera Sałaŭjova j daśledavańni Siarhieja Avieryncava. Navat dyjalohu pamiž isłamam i chryścijanstvam pryśviečany dźvie knihi; jość pracy pra dyjaloh navuki j relihii. U budučyni planujecca prodaž videafilmaŭ.
Knižnia zasnavana Mienska-Mahiloŭskaj archidyjacezijaj, a błasłaviŭ adkryćcio kardynał Kazimier Śviontak.
