Pra heta jurystu carkvy Siarhieju Łukaninu paviedamiła ŭ telefonnaj razmovie sudovy vykanaŭca Haspadarčaha sudu Miensku Volha Ščarbovič.
Spadarynia Ščarbovič raspaviała, što adpaviednaja zajava administracyi Maskoŭskaha rajonu pastupiła jašče 29 listapada, i sudovy vykanaŭca adpraviła jaje pa pošcie na adras carkvy. Adnak, pavodle słovaŭ Ščarbovič, mahčyma, pošta nie paśpieła dastavić list. Ale kali jana pabačyła ŭ internecie, jaki rozhałas atrymała sprava pra prymusovaje vysialeńnie carkvy z budynku, jana patelefanavała Łukaninu i paprasiła pryjechać, kab jon atrymaŭ usie nieabchodnyja dakumenty pra skasavańnie sudovaj vytvorčaści.
Takim čynam, sudovaje rašeńnie ab vyzvaleńni budynku zastajecca, adnak sudovaja vytvorčaść ŭ hetaj spravie całkam spynienaja i pieradadzienaja ŭ archiŭ. Juryst carkvy Siarhiej Łukanin atrymaŭ hetyja dakumenty pozna ŭviečary 4 śniežnia ŭ Haspadarčym sudzie Mienska.
