Jak i čakałasia, jon akazaŭsia nie takim žorstkim, jak toje vynikała z słoŭ aficyjnaha kiraŭnika, skazanych zvopału padčas naviedvańnia «Barysaŭdreva». Nijakaha turemnaha źniavoleńnia za sychod z pracy nie praduhledžvajecca. Prosta
ŭsich rabotnikaŭ drevaapracoŭčych pradpryjemstvaŭ, jakija madernizujucca, pieraviaduć na kantrakt. I kantrakt nie zvyčajny.
Dekret № 9 «Ab dadatkovych mierach pa raźvićci drevaapracoŭčaj pramysłovaści» Łukašenka padpisaŭ 7 śniežnia.
Zhodna z dekretam, daterminovaje skasavańnie kantraktaŭ u pieryjad realizacyi inviestycyjnych prajektaŭ ź inicyjatyvy rabotnikaŭ dapuskajecca tolki sa zhody najmalnika. Admova najmalnika ŭ skasavańni kantraktu moža być abskardžana ŭ staršyni abłasnoha (Minskaha haradskoha) vykanaŭčaha kamiteta.
Kab padsaładzić pilulu, rabotnikam dadatkova da praduhledžanaj kantraktam zarpłaty abiacajuć štomiesiačnyja hrašovyja vypłaty. U vypadku parušeńnia rabotnikami pracoŭnych abaviazkaŭ i zvalnieńnia za błahija dziejańni suma atrymanaj imi za pieryjad raboty štomiesiačnaj hrašovaj vypłaty padlahaje viartańniu.
Suma dapłat nie ahavorvajecca.
Pry niezvarocie dadzienych vypłat byłymi rabotnikami spahnańnie hetych srodkaŭ budzie ažyćciaŭlacca pa rašeńni suda ź ich pracoŭnaha zarobku pa novym miescy pracy. Tyja ž, chto zvalniajecca biez aficyjnaha pracaŭładkavańnia z zapisam u pracoŭnaj knižcy, padlahajuć pracaŭładkavańniu na raniejšaje miesca pracy z nastupnym utrymańniem raniej vypłačanych hrašovych srodkaŭ ź ich zarpłaty.
Siaredniaja zarpłata na «Barysaŭdrevie» składała 2 miljony 600 tysiač rubloŭ (kala 300 dalaraŭ), i heta siaredni dla Biełarusi ŭzrovień.
Kab zvodzić kancy z kancami, pracoŭnyja takich pradpryjemstvaŭ pieryjadyčna vyjazdžajuć na zarobki ŭ Polšču, Rasiju ci na budoŭli Minska. Tam atrymoŭvajecca zarablać u razy bolš. A na zimovy siezon ludzi znoŭ viartajucca na pracoŭnyja miescy. Chaj i nievialiki zarobak, ale inšaha niama. Novy dekret adsiakaje ŭ ludziej hetuju mahčymaść padpracoŭvać.
Lidary niezaležnych prafsajuzaŭ bačać u novym dakumiencie niebiaśpieki.
normy dekreta stanoviacca precedentam, jaki lohka raspaŭsiudzić na ŭsie astatnija katehoryi pradpryjemstvaŭ.I,
