U studzieni 2013 hoda MZS Biełarusi płanuje zapuścić
Partał budzie ŭklučać nastupnyja raździeły: «Naviny», «Cudy Biełarusi», «Kalandar padziej», «Palityka», «Ekanomika i biźnies», «Hramadstva», «Turyzm» i h.d.
Źmiest resursu padadzieny na niekalkich movach, u tym liku anhlijskaj, italjanskaj, niamieckaj, arabskaj. Mahčyma, źjavicca i kitajskaja viersija, udakładniŭ Savinych.
Jon zaznačyŭ, što partał nie budzie dubliravać infarmacyju padobnych da jaho resursaŭ, ale płanuje ź imi ŭzajemadziejničać z dapamohaj sistemy pierakryžavanych spasyłak. Spasyłki na partał taksama buduć raźmieščanyja na staronkach pasolstvaŭ Biełarusi ŭ roznych krainach i na sajcie MZS.
«Heta resurs pieršaha kroku farmiravańnia pazityŭnaha staŭleńnia da krainy i žadańnia ruchacca dalej i daviedacca pra jaje bolš», — skazaŭ Savinych. Jon rastłumačyŭ, što
metaj stvareńnia partała «Biełaruś. Fakty» źjaŭlajecca pryciahnieńnie ŭvahi i piarvičnaj cikavaści turystaŭ i inviestaraŭ.Dla apošnich, u pryvatnaści, praduhledžany śpiecyjalnyja raździeły z ekanamičnymi ahladami, padrychtavanymi inviestycyjnymi i kansałtynhavymi ahienctvami.
Stvaralniki resursu adkrytyja dla supracoŭnictva z hramadskimi arhanizacyjami i aktyvistami, paviedamiŭ Savinych, adnak dadaŭ, što sajt adkryvajecca z metaj «pradać» Biełaruś, a nie stać dyskusijnaj placoŭkaj.
«Raskrutku» partała «Biełaruś. Fakty» miarkujecca daručyć śpiecyjalistam u hetaj halinie, adnak chto mienavita zojmiecca partałam, pakul nieviadoma, tamu što stvaralnikam partała davodzicca pracavać u «deficycie finansavych resursaŭ»,pryznaŭsia Savinych.