Za najlepšuju chatku dla partyzanskaha Dzieda Maroza dajuć iPad 3 - fota 1

«Partyzanski Dzied Maroz — heta histaryčny vobraz, — tłumačyć supracoŭnica adździeła raźvićcia muzieja VAV Alena Siamaška. —

U časy vajny jon byŭ troški inšym, čym ciapier: ź vintoŭkaj, achoŭvaŭ les ad fašystaŭ. Pra jaho pisali vieršy ŭ časopisach, u numary „Murziłki“ za 43-hod jon jość».

Partyzanski Dzied Maroz

i dziŭnaje afarmleńnie jahonaj chaty

Partyzanski Dzied Maroz-2013

i jahonaja zienitka

Uznaharodžany śniehavik

Muziej Vialikaj Ajčynnaj vajny abviaściŭ konkurs na najlepšuju chatku dla partyzanskaha Dzieda Maroza pad nazvaj «Siarod sosnaŭ i biaroz». Hałoŭnaje patrabavańnie da pracaŭ — «vidavočnaja prynaležnaść domika partyzanskamu Dziedu Marozu».

Pieramožca atrymaje ad muzieja VAV i kampanii «Hiejm Strym» «treci» iPad.

Pakul vystava-konkurs nie pracuje — arhanizatary čakajuć kali nabiarecca bolej za 10 pracaŭ. Tyja, što jość, stajać pakul u pracoŭnym kabiniecie muziejščykaŭ, u napaŭrazabranym vyhladzie. Hetyja vyraby z papiery i dreva pakazvajuć, što choć hurtki «Umiełyja ruki» daŭno paźnikali, sprava ich žyvie.

Sustrakać naviednikaŭ ekspazicyi budzie vatny śniehavik z kulamiotnaj stužkaj i miedalom «Za advahu».

«My raźličvajem, što pracaŭ budzie nie mienš za tryccać, — kaža spadarynia Siamaška. — Pracy prynosić i moładź, i dzieci, i stałyja ludzi — adnu z pracaŭ pryniesła žančyna 1961 hoda naradžeńnia.

Padvodzić vyniki budziem 11 studzienia, kožny z kankursantaŭ musić prezientavać svaju rabotu — moža vieršy pačytaje, ci scenku z žyćcia našaha hieroja raskaža».

«Nam padajecca, što ideja naša cikavaja, prynamsi, aryhinalnaja. — kaža Alena Siamaška. —

A niekatoryja pišuć, maŭlaŭ „što jany tam kvasili?“. Prajekt ža cikavy!»

0

0

0

0

0

0

Juraś Uskoŭ

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH