Alaksandr Łukašenka daručyŭ nakiravać asnoŭnyja siły i srodki na madernizacyju pramysłovych pradpryjemstvaŭ Biełarusi.Adpaviednaje daručeńnie jon daŭ padčas naviedvańnia AAT «Mahiloŭdreŭ».
«Adnaznačna my skaračajem prahramy pa kultury, sporcie. U nas usio heta jość i ŭ Minsku i ŭ abłaściach. My uciskajem i pierakidajem hałoŭnyja namahańni na madernizacyju pramysłovaści. U sielskaj haspadarcy ŭ nas užo ŭsio vyznačana, zastałosia dapracavać pa niejkich napramkach, a ciapier treba pieranosić srodki na pramysłovaść», — zajaviŭ Alaksandr Łukašenka.
Havoračy ab madernizacyi drevaapracoŭčych pradpryjemstvaŭ, Łukašenka adznačyŭ, što, niahledziačy na pravał hetaj prahramy pa terminach realizacyi, ciapier usio ž ŭzialisia za spravu.
«Toje, što adbyvajecca ŭ drevaapracoŭcy — naviadzieńnie žaleznaha paradku i pa rabočaj sile, i pa śpiecyjalistach, i pa terytoryi, i pa madernizacyi — heta datyčycca ŭsich pradpryjemstvaŭ. Usie pavinny pracavać.Zima, viasna, da leta — idealnaje pradpryjemstva», — zapatrabavaŭ Alaksandr Łukašenka.
«My jeŭrapiejskaja kraina. Da nas jeździać ludzi. Jany pavinny bačyć supiersučasnyja, jeŭrapiejskaha typu pradpryjemstva. Heta datyčycca ŭsich…», — padkreśliŭ Łukašenka.
Jon skazaŭ, što ŭ bližejšy čas maje namier detalova aznajomicca z rabotaj Aršanskaha lnokambinata, kamvolnaha kambinata ŭ Minsku i Baranavickaha bavaŭnianaha abjadnańnia. «Heta toj kompleks, jaki ja pahladžu.
Na kamvolnym kambinacie ja budu ŭ bližejšy čas, a astatnija pradpryjemstvy ja taksama prajedu i pahladžu maksimum zimoj-uviesnu.Tam pavinny być radykalnyja zruchi», — adznačyŭ Łukašenka.
Asobna Alaksandr Łukašenka spyniŭsia na pytańniach raźvićcia lnopierapracoŭčych pradpryjemstvaŭ. «Lon my niejak užo navučylisia apracoŭvać, choć pakul jašče i nie taja jakaść.Ale samaje hałoŭnaje — heta pierapracoŭka», — skazaŭ Łukašenka. Jon adznačyŭ, što ŭ Škłovie zaraz stvorana sučasnaje pradpryjemstva ŭ hetaj śfiery, jakoje jon maje namier naviedać.
Što tyčycca vyroščvańnia sielhaskultur, Łukašenka adznačyŭ, što z punktu hledžańnia technałohij pa bolšaści ź ich pytańni vyrašany:«Razabralisia z zbožžam (heta vialikaja była prablema), z mukamolnaj pramysłovaściu, z kukuruzaj, zajmajemsia novymi rečami. Pa časnyku, cybuli, harochu, sparžy taksama razabralisia». «…U nas zastałasia prablema lonu. Jaje treba abaviazkova vyrašyć U hetaj piacihodcy my pavinny heta zrabić», — skazaŭ Łukašenka.
0
0
0
0
0
0