Vyratavalniki ŭ Homielskaj vobłaści vyciahnuli z hurby śniehu mašynu chutkaj dapamohi, u jakoj vieźli ŭ lakarniu ciažkachvoruju pacyjentku.
Zdareńnie adbyłosia minułaj nočču za 100 mietraŭ ad vioski Rudnia Harbovickaja ŭ Kalinkavickim rajonie. Šafior chutkaj nie spraviŭsia z kiravańniem na ciažkim učastku darohi, mašynu adniesła ŭ sumiot na krai prajeznaj častki, i «Hazel» zasieła ŭ im.
Pasažyry mašyny nie paciarpieli. Adnak bryhada chutkaj dapamohi viezła ŭ balnicu pacyjentku ŭ ciažkim stanie z dyjahnazam «parušeńnie mazhavoha krovazvarotu», jakoj patrabavałasia terminovaja špitalizacyja.
Rabotniki MNS pry dapamozie labiodki vyciahnuli aŭtamabil na prajeznuju častku darohi, paśla čaho chvoraja była dastaŭlena ŭ balnicu.
0
0
0
0
0
0
